SBI வங்கியில் அக்கவுண்ட் இருக்கா? எஸ்.பி.ஐ வங்கி கணக்குடன் மொபைல் எண் இணைக்கணுமா? ஆன்லைனில் சுலபம்

சென்னை: எஸ்பிஐ எனப்படும் பாரத் ஸ்டேட் வங்கியில், நீங்கள் கணக்கு வைத்திருக்கிறீர்களா? உங்களது பழைய மொபைல் நம்பரை மாற்றி, புதிய செல்போன் நம்பரை எப்படி இணைப்பது தெரியுமா?

நாட்டின் மிகப்பெரிய கடன் வழங்குநராக திகழும் பாரத ஸ்டேட் வங்கியானது, தன்னுடைய அபரிமிதமான சேவையால், ஏராளமான வாடிக்கையாளர்களை பெற்றுள்ளது.. தன்னுடைய கஸ்டமர்களின் வசதிக்காக பல்வேறு ஆன்லைன் சேவைகளையும் எஸ்பிஐ வழங்கி வருகிறது.

எஸ்பிஐ: அந்தவகையில், எஸ்பிஐயில் வங்கி கணக்கு துவங்குவது முதல் வங்கி கணக்கை டிரான்ஸ்வர் செய்து கொள்வதுவரை, ஆன்லைனிலேயே வசதிகள் செய்து தரப்பட்டுள்ளன.. எனவே, 5 நிமிடத்திலேயே கணக்கை நீங்கள் எஸ்பிஐ-யில் துவங்கலாம்.

உங்கள் சேமிப்பு கணக்கு வெளியூரில் இருந்தால், ஆன்லைனில் மாற்றிக் கொள்ளலாம். ஆன்லைனிலேயே ATM கார்டுகளையும் விண்ணப்பித்து பெற்றுக் கொள்ளலாம்.. ஒருவேளை உங்கள் செல்போன் நம்பர் மாறிவிட்டால், அந்த புது நம்பரையும், ஆன்லைனிலேயே வங்கி கணக்கில் மாற்றிவிடலாம்.

வசதிகள்: ஆனால், வங்கிக்கணக்கில் செல்போன் நம்பரை எப்படி இணைக்க வேண்டும் தெரியுமா? ஆன்லைன் மற்றும் ஆஃப்லைன் என 2 முறைகளிலும், உங்கள் வங்கி கணக்குடன் மொபைல் எண்ணை இணைக்கலாம்...

ஆப்லைன் முறையில் மொபைல் எண்ணை பதிவிட வேண்டுமானால், அருகிலிருக்கும் எஸ்பிஐ கிளைக்கு சென்று அல்லது எஸ்பிஐ ஏடிஎம் மூலமாக இதை நீங்கள் எளிதாக செய்து கொள்ளலாம். நேரடியாக வங்கிக்கு சென்றாலும் இதை செய்ய முடியும். ஆனால், ஏடிஎம் மூலம் மொபைல் எண்ணை பதிவு செய்வது எப்படி தெரியுமா? அதற்கு கீழ்க்காணும் எளிய முறைகளை பின்பற்றினாலே போதும்.

- உங்களுக்கு அருகிலிருக்கும் SBI ATM மையத்திற்கு சென்று, Registration என்ற ஆப்ஷனை கிளிக் செய்ய வேண்டும்

- உங்கள் ஏடிஎம் பின் நம்பரை பதிவிட்டு, Mobile number registration என்ற ஆப்ஷனை கிளிக் செய்ய வேண்டும்

- இப்போது திரையில் change mobile number என்ற ஆப்ஷனை தர வேண்டும்

- பிறகு பழைய நம்பரை டைப் செய்து Enter கொடுத்து, புதிய மொபைல் எண்ணை கொடுத்து confirm கொடுக்கவும்

- புதிய மற்றும் பழைய மொபைல் எண்களுக்கு OTP வரும். அத்துடன் மெசேஜ் ஒன்றும் வரும்.

மெசேஜ்: அதில், "Please send OTP and reference number received in SMS from new as well as an existing mobile number in the following format ACTIVATE IOTP VALUE + REF NUMBER TO 567676 within 4 hours." என்று தரப்பட்டிருக்கும்.. எனவே, 4 மணி நேரத்திற்குள் நீங்கள் இதை அனுப்பினால் போதும். உங்கள் புதிய செல்போன் நம்பருக்கு, வங்கி கணக்குடன் அப்டேட் செய்யப்பட்டுவிடும்.

English summary

SBI Bank Savings Account Number and Do you know how to register update mobile number with sbi account online