சேகர்பாபுவை சந்திக்கவே இல்லை! போட்டோ இருந்தால் காட்டுங்கள்! கடுகடுத்த செங்கோட்டையன்

சென்னை: நானும் சேகர்பாபுவும் சந்தித்து பேசவில்லை. அப்படி சந்தித்ததாக இருந்தால் புகைப்பட ஆதாரம் இருந்தால் அதை காட்டுங்கள் என முன்னாள் அமைச்சர் செங்கோட்டையன் தெரிவித்தார்.

தவெகவில் இணைந்த செங்கோட்டையன் செய்தியாளர்களை சந்தித்து தான் ஏன் தவெகவில் இணைந்தேன் என்பதை விளக்கினார். அப்போது அவரிடம் திமுகவில் இணைய உங்களிடம் சேகர்பாபு பேசியும் நீங்கள் ஏன் சேரவில்லை என நிருபர் கேட்டார்.

அதற்கு செங்கோட்டையன், "என்னை திமுகவோ, பாஜகவோ, காங்கிரஸோ எந்த கட்சியும் அணுகவில்லை. நானும் சேகர்பாபுவும் சந்தித்து பேசவில்லை. அப்படி பேசியதாக நீங்கள் நினைத்தால் அதற்கான புகைப்படத்தை ஆதாரமாக காட்டுங்கள் என்றார்.