கொரோனா பாதிப்பு.. மூச்சு திணறல்.. பிரபல நடிகரின் மனைவி காலமானார்
சென்னை: பிரபல நடிகர் ரவிச்சந்திரனின் மருமகளும், நடிகர் ஹம்சவிர்தன் மனைவியுமான சாந்தி ஹம்சவிர்தன் (42) இன்று காலமானார்.
கடந்த 1974ஆம் ஆண்டு வெளி வந்த காதலிக்க நேரமில்லை உள்ளிட்ட நூற்றுக்கும் மேற்பட்ட படங்களில் நடித்தவர் ரவிச்சந்திரன். இவரது மகன் ஹம்சவிர்தன்.
மானசீக காதலன், மந்திரன் எனப் பல படங்களில் இவர் கதாநாயகனாக நடித்துள்ளார். இவரது சில ஆண்டுகளுக்கு முன் சாந்தி என்பவரைத் திருமணம் செய்து கொண்டார்.
இவர் ரேஷ்மா என்ற பெயரில் மு.களஞ்சியம் இயக்கிய "பூமணி"படத்தில் இரண்டாவது நாயகியாகவும், நடிகர் கார்த்திக் உடன் "கிழக்கு முகம்"என்கிற படத்தில் நாயகியாகவும் நடித்தவர்.மேலும் சில படங்களில் ரேஷ்மா என்ற பெயரில் நாயகியாக நடித்துள்ளார்
இவருக்கு இரண்டு மகன்கள் மற்றும் ஒரு மகள் உள்ளனர். இந்நிலையில், சாந்தி ஹம்சவிர்தனுக்கு கடந்த மாதம் கொரோனா பாதிப்பு ஏற்பட்டுள்ளது. இதையடுத்து அவர் மருத்துவமனையில் அனுமதிக்கப்பட்டு சிகிச்சை பெற்று வந்தார்.
அவருக்கு மேற்கொள்ளப்பட்ட கொரோனா சோதனையில் நெகடிவ் முடிவு வந்த பின்னரும்கூட மூச்சு விடுவதில் அவருக்குச் சிரமம் இருந்ததால் தொடர்ந்து சிகிச்சை பெற்று வந்தார். இந்நிலையில், இன்று மாலை சிகிச்சை பலனின்றி அவர் உயிரிழந்தார்.
இதையடுத்து அவரது தேனாம்பேட்டையில் உள்ள அவரது இல்லத்திற்குக் கொண்டு வரப்பட்டது. அவரது உடல் நாளை மதியம் 2:30 மணியளவில் பெசன்ட்நகர் மின் மயானத்தில் தகனம் செய்யப்பட உள்ளது.
Click it and Unblock the Notifications
Sign in with Google