பெட்ரூமில் பாலாஜி படுத்திருக்க.. பக்கத்தில் வந்து ஷிவானி உட்கார.. பரபரப்பாகிவிட்ட ரசிகர்கள்
பிக்பாஸ் வீட்டில் ஷிவானி - பாலாஜி ரொமான்ஸ் ஆரம்பமாகி உள்ளதாக தெரிகிறது
சென்னை: பெட்ரூமில் பாலாஜி படுத்து கொண்டிருக்க.. பக்கத்தில் வந்து ஷிவானி உட்கார.. "மாட்டிக்கிச்சே.. பத்திக்கிச்சா..." என்று ரொமான்ஸ் கமெண்ட்கள்தான் சோஷியல் மீடியாவை நிரப்பி கொண்டிருக்கின்றன.
வழக்கம்போல் நேற்றும் பிக்பாஸ்ஆட்டம் சூடு பிடித்தது.. வழக்கு விசாரணை, வாதங்கள் எடுத்து வைக்கப்பட்டது. சுசித்ரா நீதிபதியாக இருக்க லாயக்கே இல்லை என்று சனம் சொன்னது சரியானதாகவே தென்பட்டது
இரு தரப்பு வாதங்களை நடத்தவிட்டு, அதில் இருந்து நியாயத்தின் பக்கம் தீர்ப்பு சொல்லும் நீதிபதிகளை பார்த்திருக்கிறோம்.. ஆனால், இந்த சுசித்ரா நீதிபதி கையை தூக்கி ஓட்டு போட சொல்லி, அதை வைத்து தீர்ப்பு சொல்வதை ஏற்கவே முடியவில்லை. அதனால் அந்த டாஸ்க் சீரியஸ்தன்மை இல்லாமல்தான் நடந்து முடிந்தது.
இதற்கு நடுவில் சுரேஷ் - கேபி பிரச்சனையும், ஆரி - பாலாஜி பிரச்சனையும் வெடித்து அமுங்கியது.. இனி நான் உங்கிட்ட பேசினா, கால்ல கிடக்கறதால அடி என்று சுரேஷ் உச்சக்கட்ட கோபத்துக்கு சென்றாலும், நேற்றெல்லாம் ஷிவானி - பாலாஜிக்காகவே நிகழ்ச்சியை பார்த்தவர்கள் ஏராளம்.. அதிகாரப்பூர்வ ட்விட்டர் பக்கத்தில் புதிய புரொமோ நேற்று வெளியானபோதே அந்த எதிர்பார்ப்பு எகிறிவிட்டது.
பாலாஜி பெட்டில் படுத்திருக்கும்போது, ஷிவானி அருகில் சென்று உட்காருகிறார்.. 2 பேரும் கொஞ்ச நேரத்துக்கு எதுவுமே பேசவில்லை.. பார்த்து கொண்டே இருக்கிறார்கள்... இது ஏன் இப்படி பார்த்து கொண்டார்கள் என்று தெரியவில்லை.. பிறகு ஷிவானி தான் சாப்பிட்டுக் கொண்டிருக்கும் சாப்பாட்டை, ஸ்பூனில் எடுத்து பாலாஜிக்கு ஊட்டி விடுகிறார். அதை வாங்கி சாப்பிட்ட பாலாஜி, கேபி பற்றி ஏதோ குறை கூறுகிறார்,
ஒரு ஓரமாக நின்று கேபி இதனை அடிக்கடி ஓரக்கண்ணால் கவனித்து கொண்டே இருக்கிறார். அவருடன் ஆஜித்தும் சேர்ந்து தூரமாக இருந்து கிண்டலடித்து கொண்டிருந்தார். ஷிவானி - பாலா ரொமான்ஸ் தான் நேற்றைய ஹாட் டாப்பிக் ஆகிவிட்டது.
மாட்டிக்கிச்சே, பத்திக்கிச்சே என்றும் ஊரே பற்றி எரிஞ்சாலும் இவங்களுக்கு செம ஜாலி...ப்பா" என்று சொல்லும் அளவுக்கு ரொமான்ஸ் சொட்ட சொட்ட வழிந்து கொண்டே இருந்தது" என்றும் கமெண்ட்களை ரசிகர்கள் பதிவிட்டு வருகின்றனர்.. இன்னொரு பக்கம் ஷிவானியின் ரசிகர்கள் காதில் புகை வந்து கொண்டிருக்கிறது. ஆனால் இதுக்கு பெயர் என்ன என்னவென்றுதான் உறுதியாக தெரியாமல் ரசிகர்கள் குழம்பி வருகின்றனர்.
Click it and Unblock the Notifications
Sign in with Google