வைரமுத்துவின் பெயரை விக்கிபீடியாவில் மாற்றிய விஷமிகள்.. இப்படி பண்ணலாமா?
விக்கிபீடியா பக்கத்தில் கவிஞர் வைரமுத்துவின் பெயரை சில விஷமிகள் தவறாக மாற்றியது பெரிய சர்ச்சையை ஏற்படுத்தி உள்ளது.
Recommended Video
சென்னை: விக்கிபீடியா பக்கத்தில் கவிஞர் வைரமுத்துவின் பெயரை சில விஷமிகள் தவறாக மாற்றியது பெரிய சர்ச்சையை ஏற்படுத்தி உள்ளது.
''மீடூ #MeToo'' என்ற ஹேஷ்டேக் மூலம் பெண்களுக்கு எதிரான வன்முறைகள், குற்றங்கள் வெளிச்சத்திற்கு கொண்டு வரப்படுகிறது. இதில் பாடகி சின்மயி தனது ட்விட்டர் பக்கத்தின் வாயிலாக இதில் நிறைய குற்றச்சாட்டுகளை வைத்து வருகிறார்.
சில நாட்களுக்கு முன் கவிஞர் வைரமுத்து குறித்தும், சின்மயி தனது ட்விட்டர் பக்கத்தில் பாலியல் குற்றச்சாட்டை வைத்தார். இது பெரிய பரபரப்பை ஏற்படுத்தியது.
இவ்வளவு சர்ச்சைகள் நிலவி வரும் சூழ்நிலையில், சில விஷமிகள் வைரமுத்துவின் விக்கிபீடியா பக்கத்தில் கைவரிசை காட்டி இருக்கிறார்கள்.
சினிமா பாணியில் மாணவனுக்கு அரிவாள் வெட்டு.. சிவகங்கை அருகே பெரும் பரபரப்பு!
வைரமுத்துவின் விக்கிபீடியா பக்கத்தில் அவரது பெயரை மாற்றிவிட்டு, ''செக்ஸ் டார்ச்சர் வைரமுத்து'' என்று வைத்து இருக்கிறார்கள். விக்கிபீடியாவில் யார் வேண்டுமானாலும் தகவல்களை மாற்ற முடியும் என்பதால், யாரோ மர்ம நபர்கள் சென்று இப்படி கைவரிசை காட்டி உள்ளனர்.
இந்த செய்தி பெரிய அளவில் வைரலானது. இதையடுத்து அடுத்த சில மணி நேரத்தில் இந்த பெயர் மீண்டும் சரிசெய்யப்பட்டது.
வைரமுத்து மீது புகார் வைக்கப்பட்டு இருக்கும் சூழ்நிலையில், விஷமிகள் இப்படி செய்திருப்பது பலருக்கும் அதிர்ச்சியை ஏற்படுத்தி இருக்கிறது. இது சரியான விஷயம் கிடையாது என்று பலர் கருத்து தெரிவித்து இருக்கிறார்கள். ஏற்கனவே சில அரசியல் தலைவர்கள் இப்படி அவமானப்படுத்தப்பட்டது குறிப்பிடத்தக்கது.