சென்னை சென்ட்ரல் ரயில் நிலையத்தில் இருந்து செல்லும் சில முக்கிய ரயில்கள் ரத்து.. தெற்கு ரயில்வே

சென்னை: சென்னை சென்ட்ரல் ரயில் நிலையத்தில் இருந்து ஆந்திரா செல்லும் சில முக்கிய ரயில்கள் பராமரிப்பு பணிகள் காரணமாக ரத்து செய்யப்பட்டுள்ளன. பெங்களூர் செல்லும் சில ரயில்கள் பராமரிப்பு பணிகள் காரணமாக மாற்றப்பட்டுள்ளன.

தெற்கு ரயில்வே வெளியிட்டுள்ள செய்திக்குறிப்பில் கூறியுள்ளதாவது: பராமரிப்பு பணி காரணமாக பல்வேறு எக்ஸ்பிரஸ் ரயில்கள் ரத்து செய்யப்படுகிறது. அதன்படி, ஆந்திர மாநிலம் விசாகப்பட்டினம்- சென்னை எழும்பூர் இடையிலான கோடைக்கால சிறப்பு ரயில் (வண்டி எண்-08577) 17-ந்தேதியில் இருந்தும், சென்னை எழும்பூர்-விசாகப்பட்டினம் இடையிலான ரயில் (08578) 18-ந்தேதியில் இருந்தும் ரத்து செய்யப்படுகிறது. அதே போல, தாம்பரத்தில் இருந்து ஜார்கண்ட் மாநிலம் தன்பாத் செல்லும் வாராந்திர சிறப்பு ரயில் (06065) 16-ந்தேதியில் இருந்தும், தன்பாத்தில் இருந்து தாம்பரம் வரும் ரயில் (06066) 19-ந்தேதியில் இருந்தும் ரத்துசெய்யப்படுகிறது.

சென்னை எழும்பூரில் இருந்து மேற்கு வங்க மாநிலம் சந்திரகாச்சி செல்லும் சிறப்பு ரயில் (06079) 18-ந்தேதியில் இருந்தும், சந்திரகாச்சியில் இருந்து எழும்பூர் வரும் சிறப்பு ரயில் (06080) 19-ந்தேதியில் இருந்தும் ரத்துசெய்யப்படுகிறது" இவ்வாறு அதில் கூறப்பட்டுள்ளது.

சென்னை சென்டிரல்-பெங்களூர் இடையிலான எக்ஸ்பிரஸ் ரயில் சேவைகளில் மாற்றம் செய்யப்பட்டுள்ளது. தெற்கு ரயில்வே வெளியிட்டுள்ள செய்திக்குறிப்பில், "கர்நாடக மாநிலம் பெங்களூர் கண்டோன்மென்ட் ரயில் நிலையத்தில் பராமரிப்பு பணிகள் நடைபெறுவதால், வருகிற செப்டம்பர் 20-ந்தேதி முதல் டிசம்பர் 20-ந்தேதி வரை எக்ஸ்பிரஸ் ரயில்கள் பெங்களூர் கண்டோன்மென்டில் நிற்காது.

அதன்படி, பெங்களூர்வில் இருந்து சென்னை சென்டிரல் வரும் லால்பாக், டபுள் டக்கர், மெயில் ஆகிய எக்ஸ்பிரஸ் ரயில்கள் (வண்டி-எண்-12608, 22626, 12658) செப்டம்பர் 20-ந்தேதி முதல் டிசம்பர் 20-ந்தேதி வரை பெங்களூர் கண்டோன்மென்ட் ரயில் நிலையத்தில் நிற்காது.

அதே தேதிகளில், சென்னை சென்டிரலில் இருந்து பெங்களூர் செல்லும் டபுள் டக்கர், பிருந்தாவன், லால்பாக், சதாப்தி ஆகிய எக்ஸ்பிரஸ் ரயில்களும் (22625, 12639, 12607, 12027) பெங்களூர் கண்டோன்மென்ட் ரயில் நிலையத்தில் நிற்காது. கன்னியாகுமரி-பெங்களூர், தூத்துக்குடி-மைசூரு, சென்னை சென்டிரல்-பெங்களூர் இடையிலான எக்ஸ்பிரஸ் ரயில்கள் (16525, 16235, 12657) செப்டம்பர் 19-ந்தேதி முதல் டிசம்பர் 19-ந்தேதி வரை பெங்களூர் கண்டோன்மென்ட் ரயில் நிலையத்தில் நிற்காது.

அதே போல, பெங்களூர்-கன்னியாகுமரி, மைசூரு-தூத்துக்குடி இடையிலான எக்ஸ்பிரஸ் ரயில்கள் (16526, 16236) செப்டம்பர் 20-ந்தேதி முதல் டிசம்பர் 20-ந்தேதி வரை பெங்களூர் கண்டோன்மென்ட் ரயில் நிலையத்தில் நிற்காது. மைசூரில் இருந்து சென்னை சென்டிரல் வரும் எக்ஸ்பிரஸ் ரெயிலும் (16022), சென்டிரலில் இருந்து மைசூர் செல்லும் எக்ஸ்பிரஸ் ரெயிலும் (16021) செப்டம்பர் 19-ந்தேதி முதல் டிசம்பர் 19-ந்தேதி வரை பெங்களூர் கண்டோன்மென்ட் ரயில் நிலையத்தில் நிற்காது" இவ்வாறு அதில் கூறப்பட்டுள்ளது.

English summary

Some major trains from Chennai Central to Andhra Pradesh have been canceled due to maintenance work. Some Bangalore-bound trains have been diverted due to maintenance work.