"அந்த" பக்கம் தாவ தயாராகிட்டாங்களாமே.. யார் அவர்கள்.. தகிப்பில் அதிமுக.. டென்ஷனில் எடப்பாடியார்!

ரஜினி கட்சியில் சேர அதிமுக எம்எல்ஏக்கள் சிலர் தயாராகி வருகிறார்கள்

Updated: Monday, December 21, 2020, 23:19 [IST]

Subscribe to Oneindia Tamil

சென்னை: மிக முக்கியமான விஷயம் ஒன்று கசிந்து வருகிறது.. அதன்படி, பதவியில் உள்ள சில அதிமுக புள்ளிகள் ரஜினி பக்கம் தாவ ரெடியாகி வருகிறார்களாம்..!

ரஜினிகாந்த் கட்சி ஆரம்பிப்பதற்கு முன்பிருந்தே, அவருடன் சேர பலரும் ஆர்வம் காட்டி வருகின்றனர்.. இதில் மறைமுகமாகவும் ரஜினியுடன் சில கட்சி தலைவர்கள் பேசி வருவதாகவும் சொல்லப்பட்டது..

இதற்கு அதிமுகவும் விதிவிலக்கல்ல. ஒருசில எம்எல்ஏக்கள், முதல் எம்பிக்கள் வரை ரஜினி கட்சியில் இணைய 6 மாதத்துக்கு முன்பே பேச்சு நடத்தினார்களாம். ஆனாலும் இந்த தகவல் இதுவரை உறுதிப்படுத்தப்படவில்லை.

எதிர்பார்ப்பு

இந்நிலையில், ஜனவரியில் கட்சித் துவக்க போவதாகவும், அதனை டிசம்பர் 31ல் தேதி அறிவிக்க போவதாகவும் சொன்னதில் இருந்தே, ஏகப்பட்ட விறுவிறுப்புகள் அரசியல் களத்தில் நடந்து வருகின்றன.. அதையொட்டி விவாதங்களும் பரபரத்து வருகின்றன.. அதற்கேற்றபடி ரஜினி மக்கள் மன்றத்தின் பணிகளும் வேகமெடுத்து வருகின்றன.

தீவிரம்

பூத் கமிட்டிகளை அமைப்பது, ரஜினி மக்கள் மன்றத்திற்குப் புதிதாக உறுப்பினர்கள் சேர்ப்பது போன்ற பணிகளை தீவிரப்படுத்தி வருகின்றனர்... இதனால், தமிழக கட்சிகளில் உள்ள தொண்டர்களும் ரஜினி கட்சியில் இணைய முயன்று வருகிறார்கள். இதுபோன்ற சூழலில்தான், மாற்றுக் கட்சியில் இருந்து ரஜினி தொடங்கவுள்ள கட்சிக்கு தாவ பலர் தயாராகி உள்ளனராம்.. இப்படி தாவி வருபவர்கள் எல்லா கட்சிகளிலுமே இருக்கிறார்களாம்..

ரிப்போர்ட்

குறிப்பாக, அதிமுகவில் கணிசமாக இருப்பதாக தெரிகிறது.. அதுவும் அவர்களில் பெரும்பாலும் சிட்டிங் எம்எல்ஏக்கள் என்கிறார்கள்.. இதற்கு என்ன காரணம் என்று உறுதியாக தெரியவில்லை.. ஆனால், இதுகுறித்த தகவல் உளவுத்துறை மூலம் எடப்பாடி பழனிசாமிக்கு சென்றுள்ளது.. அதை பார்த்த எடப்பாடியார் ஷாக் ஆகிவிட்டாராம்.

கூட்டணி

"ரஜினிகாந்த் கட்சியுடன் அதிமுக கூட்டணி அமைக்கும்" என்று துணை முதல்வர் ஓ.பன்னீர் செல்வம் ஏற்கனவே தெரிவித்த அதிர்ச்சியில் இருந்தே இன்னமும் முதல்வர் மீளாத நிலையில், இந்த எம்எல்ஏக்களின் கட்சி தாவல் மேலும் கலக்கத்தை தந்து வருவதாக சொல்லப்படுகிறது. இன்னொரு பக்கம் கமல் டென்ஷன் ஏற்படுத்தி கவரும் நிலையில், இந்த எம்எல்ஏக்களின் தாவல் புதிய சிக்கலை அதிமுக தலைமைக்கு தந்து வருகிறதாம்.