திருச்சி, மதுரை செல்லும் ரயில்களின் நேரம் மாற்றம்.. புதிய அட்டவணை வெளியிட்ட ரயில்வே.. நோட் பண்ணுங்க

சென்னை: தெற்கு ரயில்வேயில் இயக்கப்படும் அம்ரிதா எக்ஸ்பிரஸ் ரயில், திருச்சியில் இருந்து ராமேசுவரம் செல்லும் எக்ஸ்பிரஸ் ரயில், திண்டுக்கல் - மதுரை என மொத்தம் 4 ரயில் சேவைகளின் நேரம் மாற்றப்பட்டுள்ளது. எனவே பயணிகள் புதிய அட்டவணைப்படி தங்கள் பயணத் திட்டங்களை மாற்றி அமைத்துக் கொள்ளுமாறு தெற்கு ரயில்வே தெரிவித்துள்ளது.

ரயில்களின் வேகம் அதிகரிப்பு, கூடுதல் ரயில்கள் இயக்கம் என்பது உள்ளிட்ட காரணங்களால் சில ரயில் சேவைகளின் நேரமானது நாளை முதல் மாற்றியமைக்கப்பட உள்ளது. இது குறித்து தெற்கு ரயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-

அம்ரிதா எக்ஸ்பிரஸ் ரயில்

* திருவனந்தபுரம் சென்டிரலில் இருந்து ராமேசுவரம் செல்லும் அமிர்தா எக்ஸ்பிரஸ் ரயில் (வண்டி எண் - 16343), திருத்தியமைக்கப்பட்ட கால அட்டவணைப்படி, திண்டுக்கல் ரயில் நிலையத்திற்கு காலை 8.05 மணிக்கு வந்தடையும்.

* இந்த ரயில் மதுரைக்கு 9.20 மணிக்கும், மானாமதுரைக்கு 10.03 மணிக்கும், பரமக்குடிக்கு 10.23 மணிக்கும், ராமநாதபுரத்திற்கு 10.48 மணிக்கும், ராமேசுவரத்திற்கு மதியம் 12.15 மணிக்கும் வந்தடையும்.

திருச்சி - ராமேசுவரம் எக்ஸ்பிரஸ் ரயில்

* திருச்சியில் இருந்து ராமேசுவரம் செல்லும் எக்ஸ்பிரஸ் ரயில் (வண்டி எண் - 16849), திருத்தியமைக்கப்பட்ட கால அட்டவணைப்படி, இனிமேல் திருச்சியில் இருந்து காலை 7.05 மணிக்கு புறப்படும்.

* இந்த ரயில் மானாமதுரைக்கு 9.40 மணிக்கும், பரமக்குடிக்கு 10.08 மணிக்கும், ராமநாதபுரத்திற்கு 10.38 மணிக்கும், உச்சிப்புளிக்கு 10.54 மணிக்கும், மண்டபத்திற்கு 11.09 மணிக்கும், பாம்பனுக்கு 11.19 மணிக்கும், ராமேசுவரத்திற்கு மதியம் 12.35 மணிக்கும் வந்தடையும்.

திண்டுக்கல் - மதுரை ரயில்

* திண்டுக்கல் - மதுரை செல்லும் பயணிகள் ரயில் (வண்டி எண் -56717), புதிய கால அட்டவணைப்படி, இனிமேல் திண்டுக்கல்லில் இருந்து காலை 7.50 மணிக்கு புறப்படும்.

* தொடர்ந்து அம்பாத்துரைக்கு காலை 8.01 மணிக்கும், கொடைக்கானல் சாலைக்கு 8.10 மணிக்கும், வாடிப்பட்டிக்கு 8.20 மணிக்கும், சோழவந்தானுக்கு 8.29 மணிக்கும், சமயநல்லூருக்கு 8.39 மணிக்கும், கூடல்நகருக்கு 8.49 மணிக்கும், மதுரைக்கு காலை 9.10 மணிக்கும் வந்தடையும்.

ராமேசுவரம் - மதுரை பயணிகள் ரயில்

* இதேபோல் ராமேசுவரம் - மதுரை செல்லும் பயணிகள் ரயில் (வண்டி எண் - 56714), புதிய கால நேர அட்டவணைப்படி ராமேசுவத்தில் இருந்து காலை 11.30 மணிக்கு புறப்படும்.

* இந்த ரயில் பாம்பனுக்கு 11.43 மணிக்கும், மண்டபத்திற்கு 11.53 மணிக்கும், உச்சிப்புளிக்கு மதியம் 12.10 மணிக்கும், வாலாந்தரவைக்கு 12.20 மணிக்கும், ராமநாதபுரத்திற்கு 12.39 மணிக்கும், சத்திரக்குடிக்கு 12.46 மணிக்கும், பரமக்குடிக்கு 1 மணிக்கும், சூடியூருக்கு 1.13 மணிக்கும், மானாமதுரைக்கு 1.40 மணிக்கும்,

நாளை முதல் புதிய அட்டவணைப்படி இயங்கும்

ராஜகம்பீரத்திற்கு 1.52 மணிக்கும், திருப்பாச்சேத்திக்கு 2.02 மணிக்கும், திருப்புவனத்திற்கு 2.12 மணிக்கும், சிலைமானுக்கு 2.23 மணிக்கும், மதுரை கிழக்கு ரயில் நிலையத்திற்கு 2.35 மணிக்கும், மதுரைக்கு மாலை 3.05 மணிக்கும் வந்தடையும். என்று கூறப்பட்டுள்ளது.

மேற்கண்ட ரயில்களின் நேரம் மாற்றியமைக்கப்பட்டுள்ள நிலையில் பயணிகள் இந்த் அபுதிய அட்டவணைப்படி தங்கள் பயணத் திட்டங்களை மாற்றி அமைத்துக் கொள்ளுமாறு தெற்கு ரயில்வே தெரிவித்துள்ளது. மேலும் நாளை வெள்ளிக்கிழமை முதல் இந்த மாற்றமானது அமலுக்கு வரும் என்றும் தெற்கு ரயில்வே தெரிவித்துள்ளது.

English summary

Southern Railway has revised the schedules of four train services, including the Amrita Express and the Tiruchirappalli–Rameswaram route. Passengers are advised to check the updated timings and adjust their travel plans accordingly to avoid inconvenience, as the new schedule comes into immediate effect.