உணவு இடைவேளை எல்லாம் ஸ்கூல்ல தான் விடுவாங்க! இங்க அது மாதிரி கிடையாது! சபாநாயகர் அப்பாவு!

சென்னை: உணவு இடைவேளை எல்லாம் பள்ளியில் தான் விடுவார்களே தவிர அது போல சட்டசபை கூட்டத் தொடரின் போது விட முடியாது என சபாநாயகர் அப்பாவு தெரிவித்துள்ளார்.

வயது முதிர்ந்த எம்.எல்.ஏ.க்கள் எல்லாம் இருக்கிறார்களே என நிருபர் ஒருவர் எழுப்பிய கேள்விக்கு, எல்லா சட்டமன்ற உறுப்பினர்களும் ஆரோக்கியமாக இருக்கிறார்கள் என்றும் வயது முதிர்ந்ததாக நீங்களாகவே கருதிக்கொள்ள வேண்டாம் எனவும் கூறினார்.

சபாநாயகர் அப்பாவுவின் இந்தப் பேச்சால் செய்தியாளர்கள் சந்திப்பின் போது சிரிப்பலை எழுந்தது.

அலுவல் ஆய்வுக் கூட்டம்

தமிழக சட்டசபை ஏப்ரல் 6-ம் தேதி தொடங்கி மே 10-ம் தேதி வரை நடைபெறும் என அலுவல் ஆய்வுக் கூட்டத்திற்கு பிறகு சபாநாயகர் அப்பாவு அறிவித்தார். அப்போது அவரை சூழ்ந்த செய்தியாளர்கள் பல்வேறு கேள்விகள் எழுப்பினர். அதற்கு பதிலளித்து பேசிய அவர், சட்டசபை காலை 10 மணி முதல் மதியம் 2 மணி வரை மட்டுமே நடைபெறும் என்றும் கடந்த முறை நேரடி ஒளிபரப்பு செய்யப்பட்டதை போல் இந்த முறையும் நேரடி ஒளிபரப்பு செய்யப்படும் எனக் கூறினார்.

நேரடி ஒளிபரப்பு

மேலும் சட்டமன்றக் கூட்டத்தை முழுமையாக நேரடி ஒளிபரப்பு செய்வதற்கான பணிகள் நடைபெற்றுக் கொண்டிருப்பதாக கூறிய அவர் 19 சட்ட மசோதாக்களுக்கு ஆளுநர் ஒப்புதல் அளித்துவிட்டாரா என்பதை நிருபர்கள் தான் அவரிடம் கேட்க வேண்டும் என்றும் தெரிவித்தார். இட நெருக்கடியை கருத்தில் கொண்டு புதிய சட்டமன்றத்துக்கு மாறுவது தொடர்பாக அமைச்சரவை தான் முடிவெடுக்க வேண்டுமே தவிர நீங்களும், நானும் அல்ல என செய்தியாளர்களிடம் தெரிவித்தார்.

உணவு இடைவேளை

அதேபோல், உணவு இடைவேளை எல்லாம் பள்ளியில் தான் விடுவார்களே தவிர அது போல சட்டசபை கூட்டத் தொடரின் போது விட முடியாது என சபாநாயகர் அப்பாவு தெரிவித்துள்ளார். வயது முதிர்ந்த எம்.எல்.ஏ.க்கள் எல்லாம் இருக்கிறார்களே என நிருபர் ஒருவர் எழுப்பிய கேள்விக்கு, எல்லா சட்டமன்ற உறுப்பினர்களும் ஆரோக்கியமாக இருக்கிறார்கள் என்றும் வயது முதிர்ந்ததாக நீங்களாகவே கருதிக்கொள்ள வேண்டாம் எனவும் கூறினார்.

சிரிப்பலை

செய்தியாளர்கள் எழுப்பிய கடினமான கேள்விகளுக்கு கூட தனக்கே உரிய பாணியில் டைமிங்காக பேசி பேட்டியளித்த இடத்தையே கலகலப்பாக்கினார். முன்னதாக அலுவல் ஆய்வுக் கூட்டத்தில் அவை முன்னவரும் அமைச்சருமான துரைமுருகன், அதிமுக கொறடா எஸ்.பி.வேலுமணி ஆகியோர் கலந்துகொண்டனர்.

English summary

Speaker Appavu pressmeet: உணவு இடைவேளை எல்லாம் பள்ளியில் தான் விடுவார்களே தவிர அது போல சட்டசபை கூட்டத் தொடரின் போது விட முடியாது என சபாநாயகர் அப்பாவு தெரிவித்துள்ளார்.