நடிகர் விஜய்சேதுபதியின் மகளுக்கு இலங்கையிலிருந்து வந்த பாலியல் மிரட்டல்.. கைது செய்ய தீவிரம்

சென்னை: நடிகர் விஜய் சேதுபதியின் மகளுக்கு பாலியல் மிரட்டல் விடுத்தவர் இலங்கையில் உள்ளார் என சைபர் கிரைம் போலீஸார் கண்டுபிடித்துள்ளார்கள்.

இலங்கையைச் சேர்ந்த கிரிக்கெட் வீரர் முத்தையா முரளிதரனின் வாழ்க்கையை மையப்படுத்தி 800 என்ற படத்தில் முரளிதரனாக விஜய் சேதுபதி நடிக்க உள்ளதாக அறிவிப்பு வெளியானது.

இந்த படத்திலிருந்து விலக வேண்டும் என அரசியல் தலைவர்களும் சினிமா பிரபலங்களும், தமிழ் ஆர்வலர்களும் தொடர்ந்து வலியுறுத்தி வந்தனர். எதிர்ப்புகள் அதிகரித்ததால் இந்த படத்திலிருந்து விலகுவதாக நடிகர் விஜய் சேதுபதி நேற்று முன்தினம் அறிவித்தார்.

இந்த நிலையில் நடிகர் விஜய்சேதுபதியின் மகளுக்கு நெட்டிசன் ஒருவர் சமூக வலைதளங்களில் பாலியல் மிரட்டல் விடுத்துள்ளார். இதை கனிமொழி, பிரேமலதா, குஷ்பு உள்ளிட்டோர் கண்டனம் தெரிவித்தார்கள்.

இந்த நிலையில் சமூகவலைதளங்களில் அவதூறாக பேசியவர் மீது சைபர் கிரைம் போலீஸார் வழக்குப் பதிவு செய்துள்ளனர். இந்த நிலையில் விஜய் சேதுபதிக்கு வந்த பாலியல் மிரட்டல் ட்வீட் இலங்கையிலிருந்து வந்தது கண்டுபிடிக்கப்பட்டது.

இலங்கையிலிருந்து ட்வீட் செய்த நபரை கைது செய்ய இன்டர்போல் உதவியை நாடியுள்ளது சைபர் கிரைம் போலீஸ்.

English summary

Cyber crime police found that a man who threatens Vijay Sethupathi's daughter is from Srilanka.