கோடை மழை..9 மாவட்டங்களில் அலர்ட்..குடை இல்லாம வெளியே போகாதீங்க..எந்தெந்த ஊர் செக் பண்ணுங்க

சென்னை: தமிழகத்தில் அடுத்த 3 மணி நேரத்தில் 9 மாவட்டங்களில் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. நீலகிரி, கோயம்புத்தூர், தேனி, திண்டுக்கல், விருதுநகர், தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்ய வாய்ப்புள்ளதாகவும் வானிலை ஆய்வு மையம் அறிவித்துள்ளது.

அக்னி நட்சத்திரம் இன்னும் சில நாட்களில் தொடங்க உள்ளது. அதன் முன்னோட்டமாக பல ஊர்களில் வெப்பம் சுட்டெரித்தது. தமிழ்நாட்டில் பல்வேறு மாவட்டங்களில் கடந்த வாரம் 95 டிகிரி பாரன்ஹீட் வரை வெப்பநிலை பதிவானது. கடந்த வாரம் முழுக்க சென்னையிலும் 95 டிகிரி பாரன்ஹீட் வரை வெப்பம் நிலவியது.

தமிழ்நாட்டில் 10 மாவட்டங்களில் வெப்பநிலை 100 டிகிரி பாரன்ஹீட்டை தாண்டி உள்ளது. அதிகபட்சமாக திருப்பத்தூரில் 104 டிகிரி பாரன்ஹீட் வெப்பநிலை பதிவானது. கோடை வெப்பத்தை தணிக்கும் வகையில் தமிழக தென் மாவட்டங்களில் ஆங்காங்கே மழையும் பெய்து மக்களின் மனங்களை குளிர்வித்து வருகிறது.

இந்த நிலையில் தமிழகத்தில் அடுத்த 3 மணி நேரத்தில் 9 மாவட்டங்களில் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. தென் இந்திய பகுதிகளின் மேல் வளி மண்டலத்தின் கீழடுக்குகளில் கிழக்கு திசை காற்றும், மேற்கு திசை காற்றும் சந்திக்கும் பகுதி நிலவுகிறது. இதன் காரணமாக தமிழகத்தில் இன்று நிலகிரி, கோயம்புத்தூர், தேனி, திண்டுக்கல், விருதுநகர், தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

நாளை மே 1ஆம் தேதியன்று திருப்பத்தூர், இராணிப்பேட்டை திருவண்ணாமலை, தர்மபுரி, சேலம் மற்றும் வேலூர் மாவட்டங்களில் ஓரிய இடங்களில் கன முதல் மிக கனமழையும், நீலகிரி, கோயம்புத்தூர், தேனி, திண்டுக்கள், திருப்பூர், தென்காசி, விருதுநகர், ஈரோடு, நாமக்கல், கரூர் மற்றும் மதுரை மாவட்டங்களில் ஓரிரு இடங்களில் கனமழை பெய்யவாய்ப்புள்ளது.

இதேபோல் மே 2ம் தேதி நீலகிரி, கோயம்புத்தூர், திருப்பூர், திண்டுக்கல், தேனி, தென்காசி, விருதுநகர் மற்றும் திருநெல்வேலி மாவட்டங்களில் ஓரிரு இடங்களில் கனமழை பெய்யவாய்ப்புள்ளது. அக்னி நட்சத்திரம் மே 4ஆம் தேதி தொடங்க உள்ளதால் தமிழ்நாட்டில் பல்வேறு மாவட்டங்களில் வெயில் 100 டிகிரி பாரன்ஹீட்டை தாண்டும் வாய்ப்பு உள்ளது. வரும் நாட்களில் தமிழ்நாட்டில் வெப்பநிலை மேலும் அதிகரிக்கும் என்று எதிர்பார்க்கப்படுகிறது.

English summary

The Chennai Meteorological Department has said that moderate rain is likely in 9 districts in Tamil Nadu in the next 3 hours. The Meteorological Department has also announced that Nilgiris, Coimbatore, Theni, Dindigul, Virudhunagar, Thenkasi, Tirunelveli and Kanyakumari districts are likely to receive heavy rain at one or two places.