ரேஷன்தாரர்களுக்கு குட்நியூஸ்.. ரேஷன் கடைகளில் இனி "இதுவும்" விற்பனை.. எகிறியடிக்கும் கடவுளின் தேசம்

சென்னை: ரேஷன் கடைகளில், வெறும் 10 ரூபாய்க்கு குடிநீர் விற்பனையாவதுதான், தற்போது பரபரப்பாக பேசப்பட்டு வருகிறது. கேரளா மாநிலத்தில் இந்த திட்டம் கொண்டுவரப்பட்டுள்ளது.

அம்மா குடிநீர் என்று, அன்று மறைந்த முதல்வர் ஜெயலலிதா தண்ணீர் பாட்டில் விற்பனை திட்டத்தை கொண்டு வந்தார்.. வெறும் 10 ரூபாய்க்கு, இந்த தண்ணீர் விற்கப்பட்டது.

பஸ் ஸ்டாண்டு: அரசு மருத்துவமனைகள், பஸ் ஸ்டாண்டுகள் என எங்கு திரும்பினாலும், இந்த 10 ரூபாய் தண்ணீர் பாட்டில்கள் விற்பனையில் முன்னணியில் திகழ்ந்தன.. இதற்காகவே அம்மா குடிநீர் என்ற பெயரில் குட்டி, குட்டி கடைகள் அமைக்கப்பட்டு, பல்லாயிரக்கணக்கானோரின் வாழ்வாதாரமும் காக்கப்பட்டது.. எளிய மக்களிடம் இந்த தண்ணீர் மிகுந்த வரவேற்பை பெற்றது.

இதே பாணியைதான், இப்போது கேரளாவும் துவங்கி உள்ளது. ஒரு லிட்டர் தண்ணீர், 20 ரூபாய்க்கு விற்பனை செய்யப்படும் குடிநீர் பாட்டில்களின் விலையை குறைக்க, கடந்த 2020ல் உணவுத்துறை அமைச்சராக பதவி வகித்த திலோத்தமன் வலியுறுத்தினார்.

ரேஷன் கடைகள்: ஆனால், தனியார் நிறுவனங்களோ, இந்த விலையை குறைக்க மறுத்துவிட்டன.. எனவே, ரேஷன் கடைகள் வாயிலாக சுத்தமான குடிநீரை லிட்டர், 11 ரூபாய்க்கு விற்பனை செய்ய 2020ல் திட்டமிடப்பட்டது. ஆனால், பல்வேறு காரணங்களால் அந்த திட்டம் அப்போது நிறைவேற்றப்படவில்லை.

இப்படிப்பட்ட சூழலில்தான், ரேஷன் கடைகளில், 1 லிட்டர் தண்ணீர் பாட்டில் 10 ரூபாய்க்கு விற்பனை செய்யும் திட்டம் கொண்டுவரப்பட்டுள்ளது. இதற்கு "ஹில்லி அக்வா" என்று பெயரிடப்பட்டுள்ளது..

இதே குடிநீர் வெளிச்சந்தையில் 15 ரூபாய்க்கு விற்கப்படுகிறது.. கேரள நீர்வளத்துறையின் கட்டுப்பாட்டில் செயல்படும் பொதுத்துறை நிறுவனமான, கேரள நீர்ப்பாசன உட்கட்டமைப்பு மேம்பாட்டுக் கழகம் இந்த குடிநீரை தயாரிக்கிறது.

ரேஷன் கடை ஊழியர்கள்: கடைகளுக்கு லிட்டருக்கு 8 ரூபாய்க்கு வினியோகம் செய்யப்படுகிறது.. ரேஷன் கடை ஊழியர்களுக்கு 2 ரூபாய் கமிஷன் கிடைக்கும்.. ஆக மொத்தம் 10 ரூபாய்க்கு குடிநீர் விற்பனை கொண்டுவரப்பட்டுள்ளது. தற்போது சபரிமலை சீசன் என்பதால், கோட்டயம், இடுக்கி, பத்தினம்திட்டா ரேஷன் கடைகளில் இந்த திட்டம் அமலாகி உள்ளது. இனிமேல்தான், இந்த குடிநீருக்கான வரவேற்பு எப்படி இருக்க போகிறது என்பது தெரியவரும்.

English summary

Super Scheme for Ration Card Holders and Rs10 Drinking Water Bottles through the Ration shops