ஷாக்.. பிரபல நடிகர் கங்கா காலமானார்.. மாரடைப்பால் மரணம்.. திரையுலகினர் அதிர்ச்சி
சென்னை: தமிழ் சினிமாவில் ஹீரோவாகவும், குணசித்திர கதாபாத்திரத்திலும் நடித்து வந்த நடிகர் கங்கா காலமானார். அவருக்கு வயது 63.
தமிழ் சினிமாவில் பன்முக கலைஞராக அறியப்படும் டி.ராஜேந்தரின் உயிருள்ள வரை உஷா திரைப்படத்தின் மூலம் அறிமுகம் ஆனவர் நடிகர் கங்கா. அதன்பிறகு கரையை தொடாத அலைகள், மீண்டும் சாவித்திரி உள்ளிட்ட பல படங்களில் கங்கா நடித்துள்ளார்.
ஹீரோவாகவும், குணசித்திர நடிகராகவும் இவர் நடித்து வந்தார். குறிப்பாக பல திரைப்படங்களில் 2ம் கட்ட கதாநாயகனாக நடித்து பெயர் பெற்றார்.
இவரது எதார்த்தமான நடிப்பு ரசிகர்களை கவர்ந்தது. அதன்பிறகு சில சின்னத்திரை தொடர்களிலும் அவர் நடித்து வந்தார். இவர் திருமணம் செய்து கொள்ளாமல் வாழ்ந்து வந்தார். தற்போது சகோதரர் குடும்பத்துடன் நடிகர் கங்கா வசித்து வந்தார்.
இந்நிலையில் தான் அவருக்கு திடீரென்று மாரடைப்பு ஏற்பட்டுள்ளது. இதையடுத்து அவர் இன்று மரணமடைந்தார். மறைந்த நடிகர் கங்காவுக்கு தற்போது வயது 63. இவரது இந்த மரணம் தமிழ் திரையுலகினரையும், அவரது ரசிகர்களையும் அதிர்ச்சிக்குள்ளாக்கி உள்ளது.
நடிகர் கங்காவின் சொந்தஊர் சிதம்பரம் அருகே உள்ள ஒரு கிராமம் ஆகும். இதனால் நாளை அவரது உடல் சிதம்பரம் எடுத்து செல்லப்பட்டு இறுதி சடங்குகளுக்கு பிறகு தகனம் செய்யப்பட உள்ளதாக தகவல்கள் வெளியாகி உள்ளது. அவருக்கு திரையுலகத்தை சேர்ந்தவர்கள், ரசிகர்கள் நாளை அஞ்சலி செலுத்த உள்ளனர்.
Click it and Unblock the Notifications
Sign in with Google