ஏப்ரல் 23ம் தேதி தமிழக சட்டசபை தேர்தல்.. மே 4ம் தேதி முடிவுகள் அறிவிக்கப்படும்.. தேர்தல் ஆணையம்

சென்னை: தமிழ்நாடு சட்டசபை தேர்தல் ஏப்ரல் 23ம் தேதி நடக்கும், மே 4ம் தேதி முடிவுகள் அறிவிக்கப்படும் என்று தலைமை தேர்தல் ஆணையர் ஞானேஷ் குமார் அறிவித்து உள்ளார். தமிழ்நாடு, கேரளா, புதுச்சேரி, அசாமில் ஒரே கட்டமாகவும், மேற்கு வங்கத்தில் இரண்டு கட்டமாகவும் வாக்குப்பதிவு நடைபெறும்.

அசாம் சட்டசபை தேர்தல் ஏப்ரல் 9ம் தேதி நடக்கும் : மே 4ம் தேதி முடிவுகள் அறிவிக்கப்படும்

கேரளா சட்டசபை தேர்தல் ஏப்ரல் 9ம் தேதி நடக்கும் : மே 4ம் தேதி முடிவுகள் அறிவிக்கப்படும்

புதுச்சேரி சட்டசபை தேர்தல் ஏப்ரல் 9ம் தேதி நடக்கும் : மே 4ம் தேதி முடிவுகள் அறிவிக்கப்படும்

மேற்கு வங்கத்தில், ஏப்ரல் 23 (முதற்கட்டம்) மற்றும் ஏப்ரல் 29 (இரண்டாம் கட்டம்) ஆகிய இரு கட்டங்களாக வாக்குப் பதிவு நடைபெறும்; வாக்கு எண்ணிக்கை மே 4-ஆம் தேதி நடைபெறும் எனத் திட்டமிடப்பட்டுள்ளது.

தமிழ்நாடு தேர்தல் - முக்கிய தேதிகள்

தமிழ்நாடு சட்டசபை தேர்தல் ஏப்ரல் 23ம் தேதி நடக்கும் : மே 4ம் தேதி முடிவுகள் அறிவிக்கப்படும்

மனு தாக்கல் தொடக்கம் - மார்ச் 30
மனு தாக்கல் முடிவு - ஏப்ரல் 6
வேட்புமனு பரிசீலனை - ஏப். 07
வேட்புமனு திரும்பப்பெற - ஏப். 09

புதுச்சேரி முக்கிய தேதிகள் புதுச்சேரி சட்டசபை தேர்தல் ஏப்ரல் 9ம் தேதி நடக்கும் : மே 4ம் தேதி முடிவுகள் அறிவிக்கப்படும்

புதுச்சேரி மனு தாக்கல் தொடக்கம் - மார்ச் 16
மனு தாக்கல் முடிவு - மார்ச் 23
வேட்புமனு பரிசீலனை - மார்ச் 24
வேட்புமனு திரும்பப்பெற - மார்ச் 26

தமிழ்நாடு சட்டமன்றத் தேர்தல் தகவல்கள்

மொத்த சட்டமன்ற தொகுதிகள்: 234 இடங்கள்.

ஆட்சி அமைக்கத் தேவையான பெரும்பான்மை: 118 இடங்கள்.

2021 சட்டமன்றத் தேர்தல் முடிவுகள் & கூட்டணிகள்

முக்கிய கூட்டணிகள் (2021):

மதச்சார்பற்ற முற்போக்கு கூட்டணி (SPA): திமுக (DMK), காங்கிரஸ் (INC), விசிக (VCK), சிபிஐ (CPI), சிபிஎம் (CPM), மதிமுக (MDMK), மற்றும் பல.

தேசிய ஜனநாயக கூட்டணி (NDA): அதிமுக (AIADMK), பாஜக (BJP), பாமக (PMK), தமாகா (TMC).

2021 - வெற்றி விவரங்கள் & வாக்கு சதவீதம்:

திமுக (DMK): 133 இடங்கள் (38%)

அதிமுக (AIADMK): 66 இடங்கள் (33.5%)

காங்கிரஸ் (INC): 18 இடங்கள் (4.3%)

பாமக (PMK): 5 இடங்கள் (3.8%)

விசிக (VCK): 4 இடங்கள் (1%)

பாஜக (BJP): 4 இடங்கள் (2.6%)

சிபிஎம் (CPM): 2 இடங்கள் (0.9%)

சிபிஐ (CPI): 2 இடங்கள் (1.1%)

நாம் தமிழர் கட்சி (NTK): 0 இடங்கள் (6.6%)

2026 இறுதி வாக்காளர் பட்டியல் புள்ளிவிவரங்கள் (பிப்ரவரி 2026)

தமிழக தேர்தல் ஆணையம் வெளியிட்டுள்ள சமீபத்திய இறுதிப் பட்டியலின்படி:

மொத்த வாக்காளர்கள்: 5,67,07,380 (5.67 கோடி)

பெண் வாக்காளர்கள்: 2,89,60,838

ஆண் வாக்காளர்கள்: 2,77,38,925

மூன்றாம் பாலினத்தவர்: 7,617

வயது வாரியாக (புதிய வாக்காளர்கள்): 18-19 வயதுடைய இளைய வாக்காளர்கள் சுமார் 12.51 லட்சம் பேர் உள்ளனர்.

2026 தேர்தலுக்கான தற்போதைய கூட்டணிகள் (மார்ச் 2026 வரை)

தற்போதைய அரசியல் சூழலில் கூட்டணிகள் இறுதி வடிவம் பெற்று வருகின்றன:

திமுக கூட்டணி: திமுக, காங்கிரஸ் (28 இடங்கள் ஒதுக்கீடு), விசிக, சிபிஐ, சிபிஎம், மதிமுக, மற்றும் மநீம (MNM). சமீபத்தில் தேமுதிக (DMDK) மற்றும் முன்னாள் முதல்வர் ஓ. பன்னீர்செல்வம் ஆகியோர் இக்கூட்டணிக்கு ஆதரவு தெரிவித்துள்ளனர்.

அதிமுக கூட்டணி: அதிமுக தலைமையில் பாமக (PMK) மற்றும் அமமுக (AMMK) இணைந்துள்ளன. பாஜக-வுடனான கூட்டணி குறித்து பேச்சுவார்த்தைகள் தொடர்கின்றன.

தனித்துப் போட்டியிடும் கட்சிகள்: * நாம் தமிழர் கட்சி (NTK): வழக்கம் போல் தனித்துப் போட்டி.

தமிழக வெற்றிக் கழகம் (TVK): நடிகர் விஜய் தலைமையிலான இக்கட்சி முதல்முறையாக களம் காண்கிறது.

வி.கே. சசிகலாவின் புதிய கட்சி: 'அனைத்திந்திய புரட்சித் தலைவர் மக்கள் முன்னேற்றக் கழகம்'.

English summary

The term of the Tamil Nadu Legislative Assembly (16th Assembly) will end on May 10, paving the way for elections to form the 17th Assembly. Reports suggest that the Election Commission of India may officially announce the Tamil Nadu Assembly election schedule today.