பிளஸ் டூ பொதுத்தேர்வு எழுது மாணவர்கள் கவனத்திற்கு.. ஹால் டிக்கெட் வெளியீடு- பள்ளிக்கல்வித்துறை சுற்றரிக்கை

சென்னை: தமிழகத்தில் 12 ஆம் வகுப்பு பொதுத் தேர்வு எழுத உள்ள மாணவர்களுக்கு பதிவெண்களுடன் கூடிய பெயர் பட்டியல் ஹால் டிக்கெட் வெளியிடப்பட்டுள்ளது. gepp.tnschools.gov.in என்ற இணையதளத்தில் user ID, பாஸ்வேர்டு மூலம் ஹால் டிக்கெட் டவுன்லோடு செய்து கொள்ளலாம்.

தமிழகத்தில் எஸ்.எஸ்.எல்.சி மற்றும் பிளஸ் டூ படிக்கும் மாணவர்களுக்கு அரசு பொதுத் தேர்வுகள் நடத்தப்படுகிறது. 11ஆம் வகுப்புக்கு பொதுத் தேர்வுகள் நடத்தப்பட்டு வந்த நிலையில், மாணவர்களின் நலன் கருதி அதை ரத்து செய்வதாக அறிவிப்பு வெளியானது. அதன்படி நடப்பு கல்வி ஆண்டு முதல் 11ஆம் வகுப்புக்கு பொதுத் தேர்வுகள் கிடையாது என்று அறிவிக்கப்பட்டது.

மாணவர்கள் தேர்வு பயமின்றி முன்கூட்டியே தேர்வுக்கு தயாராகும் வகையில், 10 மற்றும் 12 ஆம் வகுப்புகளுக்கான பொதுத் தேர்வு தேதியும் கடந்த நவம்பர் மாதம் அறிவிக்கப்பட்டுள்ளது. இதன்படி, 12 ஆம் வகுப்பு பொதுத் தேர்வு மார்ச் 2 முதல் 26 ஆம் தேதி வரை நடைபெறும் என்று தெரிவிக்கப்பட்டுள்ளது.

செய்முறை தேர்வு பிப்ரவரி 9 ஆம் தேதி முதல் பிப்ரவரி 16 ஆம் தேதி வரை நடைபெற உள்ளது. மே 8 ஆம் தேதி 12 ஆம் வகுப்பு மாணவர்களுக்கான பொதுத் தேர்வு ரிசல்ட் வெளியிடப்படும் என்று அறிவிக்கப்பட்டுள்ளது. இந்த நிலையில், 12 ஆம் வகுப்பு பொதுத் தேர்வு எழுத உள்ள மாணவர்களுக்கு பதிவெண்களுடன் கூடிய பெயர் பட்டியல் ஹால் டிக்கெட் வெளியிடப்பட்டுள்ளது.

gepp.tnschools.gov.in என்ற இணையதளத்தில் user ID, பாஸ்வேர்டு மூலம் ஹால் டிக்கெட் டவுன்லோடு செய்து கொள்ளலாம். மாணவர்களின் தேர்வு எண்ணுடன் கூடிய பெயர் பட்டியல் பள்ளி தலைமை ஆசிரியர்களுக்கு அனுப்பப்பட்டுள்ளது என்று பள்ளிக்கல்வித்துறை தெரிவித்துள்ளது.

English summary

The Tamil Nadu government has released Class 12 public examination hall tickets with registration numbers and name lists. Students can download their hall tickets from gepp.tnschools.gov.in using their user ID and password.