37 மாவட்டத்திலும் பரவியது கொரோனா.. 9 மாவட்டங்களில் 100ஐ கடந்த பாதிப்பு.. முழு விவரம்

Updated: Wednesday, July 8, 2020, 19:58 [IST]

Subscribe to Oneindia Tamil

சென்னை: தமிழகத்தில் இன்று 37 மாவட்டங்களிலும் கொரோனா வைரஸ் தொற்று பாதிப்பு புதிதாக அதிகரித்துள்ளது . இன்று எந்த மாவட்டத்தில் எத்தனை பேருக்கு கொரோனா பாதிப்பு என்பதையும், எத்தனை பேர் இதுவரை கொரோனாவால் பாதிக்கப்பட்டுள்ளனர் என்பதையும் இப்போது பார்க்கலாம்.

கன்னியாகுமரியில் உயர்வு

தமிழகத்தில் வழக்கம் போல் சென்னையில் தான் இன்று கொரோனா பாதிப்பு அதிகமாக உள்ளது. சென்னையில் கொரோனா தொற்றால் 1261 பேர் பாதிக்கப்பட்டுள்ளனர். சென்னைக்கு அடுத்தபடியாக இன்று மதுரையில் 379 பேருக்கும், செங்கல்பட்டில் 273 பேருக்கும், திருவள்ளூரில் 300 பேருக்கும், வேலூரில் 160 பேருக்கும் காஞ்சிபுரத்தில் 133 பேருக்கும், கன்னியாகுமரியில் 112 பேருக்கும், தூத்துக்குடியில் 141 பேருக்கும் தொற்று உறுதி செய்யப்பட்டுள்ளது.

தேனியில் 75 பேர்

கோவையில் 87 பேருக்கும், கடலூரில் 70 பேருக்கும் தேனியில் 75 பேருக்கும், விருதுநகரில் 70 பேருக்கும் கொரோனா தொற்று உறுதி செய்யப்பட்டுள்ளது. அரியலூரில் 11 பேருக்கும், தர்மபுரியில் 28 பேருக்கும், நீலகிரி, திண்டுக்கல் மற்றும் ஈரோட்டில் தலா 10 பேருக்கு தொற்று உறுதி செய்யப்பட்டுள்ளது. கள்ளக்குறிச்சியில் 12 பேருக்கும், கரூரில் 7 பேருக்கும்,கிருஷ்ணகிரியில் 12 பேருக்கும் தொற்று உறுதி செய்யப்பட்டுள்ளது.

சேலத்தில் 64 பேர்

நாகப்பட்டினத்தில் 18 பேருக்கும், நாமக்கல்லில் 9 பேருக்கும், பெரம்பலூரில் 3 பேருக்கும், புதுக்கோட்டையில் 31 பேருக்கும், ராமநாதபுரத்தில் 65 பேருக்கும், ராணிப்பேட்டையில் 16 பேருக்கும் தொற்று உறுதி செய்யப்பட்டுள்ளது. சேலத்தில் 64 பேருக்கும், சிவகங்கையில் 28 பேருக்கும், தென்காசியில் 15 பேருக்கும், திருப்பத்தூரில் 10 பேருக்கும் கொரோனா தொற்று உறுதி செய்யப்பட்டுள்ளது. திருண்ணாமலையில் 55 பேரும், திருவாரூரில் 36 பேரும், திருநெல்வேலியில் 6 பேரும், திருப்பூரில் 26 பேரும், திருச்சியில் 21 பேரும் கொரோனாவால் இன்று பாதிக்கப்பட்டுள்ளனர்.