மீண்டும் திமுக ஆட்சி அமையும்.. ஆட்டத்தை மாற்றிய விஜய்.. தவெக 12 இடங்களில் வெல்லும்! மேட்ரிஸ் கணிப்பு

சென்னை: தமிழ்நாட்டில் மீண்டும் திமுக கூட்டணி ஆட்சியை பிடிக்கும் என்று மேட்ரிஸ் நிறுவனம் கருத்துக்கணிப்பை வெளியிட்டுள்ளது. மேட்ரிஸ் நிறுவன கணிப்பின்படி அதிமுக கூட்டணி 87 முதல் 110 இடங்கள் வரையிலும், விஜய்யின் தவெக 10 முதல் 12 தொகுதிகள் வரை வெல்லும் என்றும் தெரிவிக்கப்பட்டிருக்கிறது.

தமிழ்நாடு, மேற்கு வங்கம், கேரளா, அசாம் மற்றும் புதுச்சேரி உள்ளிட்ட 5 மாநிலங்களுக்கான சட்டசபைத் தேர்தல் நிறைவடைந்தது. இதையடுத்து தேர்தலுக்கு பிந்தைய கருத்துக்கணிப்புகள் வெளியாகி இருக்கிறது. தமிழ்நாட்டில் 234 தொகுதிகளுக்கான சட்டசபைத் தேர்தல் ஏப்ரல் 23ஆம் தேதியே நிறைவடைந்தது. மொத்தமாக 85.15% வாக்குகள் பதிவாகியது.

இந்த நிலையில் தேர்தலுக்கு பிந்தைய கருத்துக்கணிப்புகள் வெளியிடப்பட்டுள்ளது. அதன்படி மேட்ரிஸ் கருத்துக்கணிப்பில் தமிழ்நாட்டில் மீண்டும் திமுக கூட்டணி ஆட்சியை பிடிக்கும் என்று தெரிவிக்கப்பட்டுள்ளது. அதன்படி திமுக கூட்டணி 122 முதல் 132 இடங்கள் வரை கைப்பற்றும் என்று தெரிவிக்கப்பட்டுள்ளது. அதிமுக கூட்டணி 87 முதல் 110 இடங்கள் வரை கைப்பற்றும் என்று தெரிவிக்கப்பட்டுள்ளது.

விஜய்யின் தவெக 10 முதல் 12 தொகுதிகள் வரை வெல்லும் என்று கணித்திருக்கிறது. பிற கட்சிகள் 0 முதல் 6 தொகுதிகள் வரை கைப்பற்றலாம் என்றும் தெரிவிக்கப்பட்டிருக்கிறது. இதன் மூலமாக பெரும்பான்மைக்கு தேவையான இடங்களை திமுக கூட்டணி வெல்லும் என்று கணிக்கப்பட்டிருக்கிறது. ஏற்கனவே என்டிடிவி பீப்பிள்ஸ் பல்ஸ் கருத்துக்கணிப்பும் திமுகவுக்கு சாதகமாக இருந்தது.

English summary

tamil nadu exit poll: Matrize has released an opinion poll predicting that the DMK alliance will once again capture power in Tamil Nadu. According to Matris's projection, the AIADMK alliance is expected to win between 87 and 110 seats, while Vijay's TVK is predicted to win 10 to 12 constituencies.