வரும் ஜூன் 27இல் நடைபெறும் தமிழக அமைச்சரவை கூட்டம்.. முக்கிய திட்டங்கள் குறித்து ஆலோசிக்க வாய்ப்பு
சென்னை: தமிழக அரசின் அமைச்சரவை கூட்டம் வரும் ஜூன் 27ஆம் தேதி நடைபெறும் என அறிவிக்கப்பட்டுள்ளது.
அதிமுகவில் இப்போது ஒற்றை தலைமை விவகாரம் விஸ்வரூபம் எடுத்துள்ளது. இது தமிழக அரசியல் களத்தை மீண்டும் பரபரப்பாக்கி உள்ளது.
அதிமுக விவகாரம் இன்னும் ஒரு சில நாட்களில் முடியும் என எதிர்பார்க்கப்படுகிறது. இந்தச் சூழலில் வரும் ஜூன் 27ஆம் தேதி தமிழக அமைச்சரவைக் கூட்டம் நடைபெறும் என அறிவிக்கப்பட்டுள்ளது.
முதல்வர் ஸ்டாலின் தலைமையில் நடைபெற உள்ள இந்த அமைச்சரவை கூட்டத்தில், புதிய திட்டங்கள் குறித்து முடிவெடுக்க வாய்ப்பு உள்ளதாகக் கூறப்படுகிறது.
ஆன்லைன் ரம்மி காரணமாகத் தமிழ்நாட்டில் உயிரிழப்புகள் தொடரும் நிலையில், அதைத் தடுக்கும் சட்டத்தைக் கொண்டு வரப் பலரும் வலியுறுத்தி வருகின்றனர்.
இது தொடர்பான சட்டத்திற்கு அமைச்சரவை ஒப்புதல் தேவை என்பதால், அது குறித்தும் விவாதிக்கப்பட வாய்ப்பு உள்ளதாகக் கூறப்படுகிறது.
Click it and Unblock the Notifications
Sign in with Google