தீபாவளி பண்டிகை! தமிழகத்தில் ரேஷன் கடைகளில் குறைந்த விலையில் 15 மளிகை பொருட்கள் இன்று முதல் விற்பனை

Published: Tuesday, October 22, 2024, 13:30 [IST]

Subscribe to Oneindia Tamil

சென்னை: தீபாவளி பண்டிகையொட்டி தமிழக அரசின் அமுதம் அங்காடி ரேஷன் கடைகளில் இன்று முதல் குறைந்த விலையில் 15 மளிகை பொருட்கள் விற்பனை செய்யப்படுகிறது.

தீபாவளி பண்டிகை வரும் அக்டோபர் 31 ஆம் தேதி, நவம்பர் 1 ஆம் தேதி கொண்டாடப்படுகிறது. தீபாவளி என்றாலே பட்டாசு, புத்தாடைகள், இனிப்பு, பலகாரங்கள் ஆகும்.

தீபாவளிக்கு பலகாரங்களை வீடுகளில் செய்ய தொடங்கிவிட்டார்கள். இதை செய்ய முடியாதவர்கள் கடைகளில் ஆர்டர் கொடுத்து வாங்கிக் கொள்கிறார்கள். இப்படியிருக்கையில் ஏழை எளிய மக்களால் மளிகை பொருட்கள் வாங்கி பலகாரம் செய்து தர இயலாது என்பதால் தமிழக அரசு ஒரு முடிவு எடுத்துள்ளது.

அதன்படி தீபாவளியையொட்டி குறைந்த விலையில் 15 மளிகை பொருட்களை மக்களுக்கு கொடுப்பது என்பதுதான். அந்த வகையில் ரூ 499 -க்கு மளிகை பொருள் தொகுப்பானது, அமுதம் பிளஸ் என்ற பெயரில் விற்பனை செய்யப்படும்.

இது தமிழக அரசின் அமுதம் அங்காடி, அமுதம் ரேஷன் கடைகளில் இன்று முதல் விற்பனை செய்யப்படுகிறது. இந்த தொகுப்பில் மொத்தம் என்னென்ன பொருட்கள் இருக்கிறது என்பதை பார்க்கலாம்.