ஆர்டிஓ ஆபிஸ்க்கு போக வேண்டாம்.. ஆன்லைனிலேயே இனி இத்தனை சேவைகளா? தமிழக அரசு சூப்பர் அறிவிப்பு
சென்னை: நகல் பழகுநர் உரிமம், ஓட்டுநர் உரிமத்தில் பெயர் மாற்றம் உள்பட 31 வகையான சேவைகளை இனி ஆன்லைனில் பெறலாம் என தமிழக போக்குவரத்துத்துறை உயர் அதிகாரிகள் தெரிவித்தனர்.
லைசென்ஸ் எடுப்பதில் தொடங்கி, வாகனத்திற்கு நம்பர் பிளேட் வாங்குவது பல்வேறு வாகனம் தொடர்பான சேவைகளை பெற முன்பெல்லாம் ஆர்டிஓ அலுவலங்களில் கால் கடுக்க காத்திருக்க வேண்டும். கண்டிப்பாக அதற்காக அன்றைக்கு வேலைக்கு போகாமல் லீவும் போட வேண்டியதிருக்கும். ஆனால் இப்போது பல சேவைகளை ஆன்லைனில் வந்துள்ளன. இந்த வசதிகள் பொதுமக்களுக்கு பெரிய பயனுள்ளதாக உள்ளது.

தமிழ்நாட்டில் மொத்தம் 91 வட்டாரப் போக்குவரத்து அலுவலகங்கள் இருக்கின்றன. மேலும் 54 வாகன போக்குவரத்து ஆய்வாளர் அலுவலகங்கள் இருக்கின்றன. இந்த அலுவலகங்கள் எல்லாம் கணிணி மயமாகிவிட்டன. இதன் மூலம் பொதுமக்கள் தங்களது சேவைகளை எவ்வித சிரமமும் இன்றி பெற முடிகிறது. இதேநேரம பல சேவைகளுக்கு நேரில் போக வேண்டிய நிலை இருந்தது. இந்த நிலை தற்போது மெல்ல மெல்ல மாறி வருகிறது.
தற்போதைய நிலையில், வட்டாரப் போக்குவரத்து அலுவலகம் சார்ந்த 48 சேவைகளில் ஓட்டுநர் உரிமம் புதுப்பித்தல், ஓட்டுநர் உரிமத்தில் முகவரி மாற்றம், பழகுநர் உரிமம் பெறுதல் உள்ளிட்ட 6 சேவைகள் முற்றிலுமாக ஆன்லைனில் கொண்டுவரப்பட்டன.
இந்நிலையில் மீதமுள்ள 42 சேவைகளும் இணைய வழியில் கொண்டு வரப்படும் என தமிழக சட்டசபையில் அமைச்சர் சிவசங்கர் அறிவித்தார். அந்த வகையில், 25 சேவைகள் நேற்று (வெள்ளிக்கிழமை) முதல் முழுக்க முழுக்க ஆன்லைனில் கொண்டு வரப்பட்டுள்ளன.
என்னென்ன சேவைகள் புதிதாக கொண்டுவரப்பட்டள்ளன என்பதை வட்டார போக்குவரத்து அலுவலகங்களுக்கு சென்று அறிய முடியும். இனிமேல் நகல் பழகுநர் உரிமம், ஓட்டுநர் உரிமத்தில் பெயர் மாற்றம், பன்னாட்டு ஓட்டுநர் உரிமம், வாகனத்துக்கான தற்காலிக பதிவெண், அனுமதி சீட்டில் (பெர்மிட்) பெயர் மாற்றம், அனுமதி சீட்டை ஒப்படைத்தல் போன்ற 25 சேவைகளை முற்றிலும் இணைய வழியில் மட்டுமே பெற முடியும்.
இதனிடையே மீதமுள்ள 17 சேவைகளையும் இணைய வழியில் கொண்டு வருவதற்கான நடவடிக்கைகள் எடுக்கப்பட்டு வருகின்றன. ஆனால் இந்த சேவைகளை பெறுவதற்கு ஆதார் அட்டையில் உள்ள பெயர், முகவரி உள்ளிட்ட அனைத்து விவரங்களும் சரியாக இருக்க வேண்டும்.விவரங்கள் மாறுபட்டிருந்தால் ஆன்லைனில் இந்த சேவையை பெற முடியாமல் போய்விடும். தற்போது அமலுக்கு வந்துள்ள 31 சேவைகளையும் https://tnsta.gov.in என்ற இணையதளத்தில் பெற முடியும்.
ஓட்டுநர் உரிமம் தொலைந்து போனால் எப்படி பெறுவது: நீங்கள் அசல் ஓட்டுநர் உரிமத்தை இழந்துவிட்டாலோ அல்லது காணாமல் போனாலோ அது குறித்து காவல்துறையிடம் புகார் செய்ய வேண்டும். காவல்துறையில் புகார்களை ஆன்லைனிலும் https://eservices.tnpolice.gov.in/CCTNSNICSDC/LostDocumentReport?0 செய்யலாம். இதில் புகார் அளித்து, போலீஸ் சான்றிதழுடன், விண்ணப்பதாரர்கள் ஆன்லைன் மூலம் https://parivahan.gov.in/parivahan/ என்ற இணையதளத்தில் நகல் ஓட்டுநர் உரிமத்திற்கு விண்ணப்பிக்கலாம்.
-
கேஸ் மானியம் ₹300 வந்தாச்சா? வங்கிக்கு போகவே வேண்டாம்… வீட்டிலேயே 2 நிமிஷத்தில் தெரிஞ்சுக்கலாம் -
தங்கத்தில் இனி 1 மில்லி கிராம் கூட ஏமாற்ற முடியாது! 7 மாவட்டத்துக்கு ஹேப்பி! அரசின் பாதுகாப்பு கவசம் -
வங்கி கணக்கில்.. அரசு அனுப்பிய ரூ.2000! உங்களுக்கு வந்துடுச்சா.. மொபைலிலேயே செக் செய்வது எப்படி? -
56 out of 234: விசிகவுக்கு "6+2!" திமுக கூட்டணியில் எந்தெந்த கட்சிகளுக்கு எத்தனை தொகுதிகள்? -
வைகோவால் 25 சீட் போச்சு.. அன்புமணியால் திமுகவுக்கு 50 சீட் காலி.. 2016இல் விஜயகாந்த் விழுந்த கதை! -
தேமுதிக 10 தொகுதிகளில் போட்டி.. 21 ஆண்டு வரலாற்றில் மிகக் குறைவான சீட்களில் நிற்பது இந்த முறைதான்! -
ஆதார் கார்டு வைத்திருப்போருக்கு குட் நியூஸ்.. பிஎம் ஸ்வநிதி திட்டத்தில் ₹50,000 கடன் கிடைக்குமா? -
வேளச்சேரி - பரங்கிமலை MTRS.. 80 நிமிடப் பயணம் வெறும் 15 நிமிடம்.. எஸ்ஜி சூர்யாவின் நிஜ அனுபவம் -
சர்க்கரை அட்டைதாரர்களுக்கு சூப்பர் வசதி… ரேஷன் கடைக்கு போறீங்களா? தமிழக அரசின் திடீர் உத்தரவு -
டிரம்ப் வயிற்றில் பாலை வார்த்த ஈரான்.. அமெரிக்காவுக்கு முதல் முறையாக பச்சைக்கொடி -
தங்க வேட்டை.. உலக நாடுகளின் 'பக்கா' பிளான்.. மத்திய வங்கிகள் முண்டியடிப்பதன் பின்னணி என்ன? -
அமெரிக்காவை வீழ்த்தும் ஈரான்.. ஆட்டம் காணும் மிதக்கும் அரண்மனை.. ஒரே இரவில் பஸ்பம் ஆன $13000000000!












Click it and Unblock the Notifications