TN Interim Budget 2026: இடைக்கால பட்ஜெட் 2026! பிப்.5 ல் கூடும் தமிழக அமைச்சரவை!
சென்னை: தமிழக சட்டசபைத் தேர்தல் நெருங்குவதால், இடைக்கால பட்ஜெட் தாக்கல் செய்யப்படவுள்ள நிலையில், முதல்வர் மு.க. ஸ்டாலின் தலைமையில் அமைச்சரவைக் கூட்டம் பிப்ரவரி 5 ஆம் தேதி நடைபெற உள்ளது. இந்தக் கூட்டத்தில், இடைக்கால பட்ஜெட்டில் இடம்பெற வேண்டிய முக்கிய அம்சங்கள் குறித்து ஆலோசிக்கப்படும்.
தமிழக சட்டசபைக் கூட்டத்தொடரில், தமிழக அரசின் இடைக்கால பட்ஜெட் சமர்ப்பிக்கப்படவுள்ளது. பிப்ரவரி 13 அல்லது 14 ஆம் தேதிகளில் பட்ஜெட் தாக்கல் செய்யப்படலாம் என தகவல்கள் தெரிவிக்கின்றன. இதன் முக்கிய அம்சங்களை இறுதி செய்வதே அமைச்சரவைக் கூட்டத்தின் நோக்கம்.
நடப்பாண்டு சட்டசபைக் கூட்டம் ஜனவரி 20 ஆம் தேதி தொடங்கியது. ஆளுநர் ஆர்.என். ரவி, தனது உரையைத் துவங்கும் முன் தேசிய கீதம் இசைக்கப்படாததற்கு அதிருப்தி தெரிவித்து வெளியேறினார்.
பின்னர், சபாநாயகர் அப்பாவு அரசின் உரையை வாசித்தார். விவாதங்களுக்குப் பிறகு, சபை ஒத்திவைக்கப்பட்டது. இந்த நிலையில் இடைக்கால பட்ஜெட்டின் போது சட்டசபை மீண்டும் கூடும். அப்போது தேர்தலை கருத்தில் கொண்டு முதல்வர் ஸ்டாலின் முக்கிய அறிவிப்புகளை வெளியிடுவார் என சொல்லப்படுகிறது.
Click it and Unblock the Notifications
Sign in with Google