கடந்த 4 தேர்தல்களில் இந்த முறைதான் குறைந்த அளவு வாக்கு சதவீதம் உயர்வு! டேட்டாவை பாருங்க புரியும்

Updated: Saturday, April 25, 2026, 21:04 [IST]

Subscribe to Oneindia Tamil

சென்னை: நடந்து முடிந்துள்ள தமிழக சட்டசபை தேர்தலில் வாக்கு சதவீதம் 85 என்ற அளவை தாண்டியிருந்தாலும், வாக்களித்தவர்களின் உயர்வு என்பது, கடந்த 20 ஆண்டுகளில் இல்லாத அளவிற்கு குறைவு என புள்ளி விவரங்கள் காட்டியுள்ளன. கடந்த 20 ஆண்டுகளில், 4 சட்டசபை தேர்தல்களை ஒப்பிடும் போது இந்த முறை தான் வாக்களித்தவர்களின் எண்ணிக்கை விகிதம் குறைந்து இருக்கிறது தெரியவந்துள்ளது.

தமிழக சட்டசபை தேர்தலுக்கு ஒரே கட்டமாக கடந்த வியாழக்கிழமை தேர்தல் நடந்து முடிந்துள்ளது. இதில் வாக்குசதவீதம் என்பது இதுவரை இல்லாத அளவாக 85.15 சதவீதம் என்று பதிவாகி உள்ளது என தேர்தல் ஆணையம் தெரிவித்தது. எஸ்.ஐ.ஆர் திருத்த பணி காரணமாக வாக்கு சதவீதம் கடந்த தேர்தல்களிலும் உயர்ந்துள்ளது.

Tamil Nadu Polls 2026 Despite 85 Turnout Voter Growth Lowest in 20 Years

2026-இல் 5.53 சதவீதம் தான் உயர்வு

குறிப்பாக கடந்த 2000 மற்றும் 2002 ஆம் ஆண்டுகளில் நடைபெற்ற எஸ்.ஐ.ஆர் திருத்தப்பணிக்கு பிறகு நடந்த 2006 சட்டசபை தேர்தலில் முந்தைய தேர்தலை விட 48 லட்சம் பேர் கூடுதலாக வாக்களித்தனர். 2001 சட்டசபை தேர்தலில் வாக்களித்தவர்களின் எண்ணிக்கை விகிதத்தை விட 17.24 சதவீதம் அதிகம் ஆகும்.

20 ஆண்டுகளில் இதுவே குறைவு

அதே நேரத்தில் 2011 சட்டசபை தேர்தலில் வாக்களித்தவர்களின் எண்ணிக்கை விகிதம் 11.4 சதவீதமும், 2016 சட்டசபை தேர்தலில் வாக்களித்தவர்களின் எண்ணிக்கை விகிதம் 18.5 சதவீதமும், 2021 சட்டசபை தேர்தலில் வாக்களித்தவர்களின் எண்ணிக்கை விகிதம் 6.22 சதவீதமும் உயர்ந்து இருக்கிறது. இப்படி கடந்த 20 ஆண்டுகளில், 4 சட்டசபை தேர்தல்களை ஒப்பிடும் போது இந்த முறை தான் வாக்களித்தவர்களின் எண்ணிக்கை விகிதம் குறைந்து இருக்கிறது தெரியவந்துள்ளது.