சர்கார் திரைப்படம் HD பிரிண்டில் வெளியிடுவோம்- தமிழ் ராக்கர்ஸ் டுவீட்டால் சர்ச்சை

சென்னை: சர்கார் படத்தின் எச் டி பிரிண்ட் விரைவில் இணையதளத்தில் வெளியிடப்படும் என தமிழ் ராக்கர்ஸ் பெயரில் டுவீட் வெளியாகியுள்ளது.

நடிகர் விஜய் நடித்த சர்கார் படம் நாளை வெளியாகிறது. இசை வெளியீட்டு விழாவிலேயே விஜய் அரசியல் பேசியதால் இந்த படம் பெரும் பரபரப்பை ஏற்படுத்தியுள்ளது.

இந்நிலையில் சர்கார் படத்தின் கதை தன்னுடயது என உதவி இயக்குநர் வருண் ராஜேந்திரன் புகார் அளித்தார். மேலும் உயர்நீதிமன்றத்தில் வழக்கு தொடுத்தார். இதனால் திட்டமிட்டபடி தீபாவளிக்கு படம் வெளிவராதோ என சர்கார் படக் குழு கவலை கொண்டது.

இதைத் தொடர்ந்து இந்த விவகாரத்தில் இயக்குநர் முருகதாஸுக்கும் வருணுக்கும் இடையே சமரசம் நிலவியது. இதையடுத்து இந்த பிரச்சினை முடிந்த நிலையில் சர்கார் படத்தை தமிழ் ராக்கர்ஸ் உள்ளிட்டவை இணையதளத்தில் திருட்டுத்தனமாக வெளியிடக் கூடாது என சர்கார் படத்தயாரிப்பு நிறுவனமான சன் பிக்சர்ஸ் உயர்நீதிமன்றத்தை நாடியது.

இதையடுத்து சர்கார் படத்தை இணையதளத்தில் வெளியிட உயர்நீதிமன்றம் தடை விதித்திருந்தது. இந்நிலையில் சர்கார் படத்தின் எச் டி பிரிண்ட் விரைவில் இணையதளத்தில் வெளியாகும் என தமிழ்ராக்கர்ஸ் என்ற பெயரில் டுவிட்டரில் வெளியாகியுள்ளதால் பரபரப்பு ஏற்பட்டுள்ளது.

English summary

Tamil rockers tweet that it will release sarkar's HD print in internet soon.