தமிழச்சி தங்கபாண்டியன் அழகோ அழகு.. அவருக்கு வாக்களியுங்கள்.. அட உதயநிதி பிரச்சாரத்தை பாருங்க!
திமுக வேட்பாளர் தமிழச்சி தங்கபாண்டியன் அழகானவர் அவருக்கு வாக்களிக்க வேண்டும் என்று திமுக தலைவர் மு.க ஸ்டாலினின் மகன் நடிகர் உதயநிதி ஸ்டாலின் பிரச்சாரம் செய்துள்ளார்.
சென்னை: திமுக வேட்பாளர் தமிழச்சி தங்கபாண்டியன் அழகானவர் அவருக்கு வாக்களிக்க வேண்டும் என்று திமுக தலைவர் மு.க ஸ்டாலினின் மகன் நடிகர் உதயநிதி ஸ்டாலின் பிரச்சாரம் செய்துள்ளார்.
தென் சென்னை நாடாளுமன்றத் தொகுதியின் திமுக வேட்பாளராக தமிழச்சி தங்கபாண்டியன் நிறுத்தப்பட்டு உள்ளார். இந்த நிலையில் இன்றில் இருந்து தமிழச்சி தங்கபாண்டியன் பிரச்சாரம் செய்து வருகிறார்.
தமிழச்சி தங்கபாண்டியனுக்கு வாக்கு கேட்டு திமுக தலைவர் மு.க ஸ்டாலினின் மகன் நடிகர் உதயநிதி ஸ்டாலின் இன்று பிரச்சாரம் செய்தார். தென் சென்னை பகுதியில் நடிகர் உதயநிதி ஸ்டாலின் பிரச்சாரம் மேற்கொண்டார்.
உதயநிதி ஸ்டாலின் பேச்சு
உதயநிதி ஸ்டாலின் தனது பிரச்சாரத்தில், திமுகவில் வாரிசு என்பதற்காக மட்டுமே யாருக்கும் தேர்தலில் வாய்ப்பு கொடுக்கப்படவில்லை. திமுகவில் அனைவருக்கும் தகுதி அடிப்படையில்தான் வாய்ப்பு வழங்கப்பட்டுள்ளது. உழைப்பு மற்றும் கட்சி பணியை மனதில் வைத்தே வாய்ப்பு தரப்பட்டுள்ளது.
நான் வாரிசு
என்னை வாரிசு என்று கூறி விமர்சனம் செய்கிறார்கள். வாரிசு என்பதற்காக எனக்கு பதவி கொடுக்க மாட்டார்கள். என் பெயரில் விருப்பமனு அளிக்கப்பட்டது உண்மைதான். ஆனால் அதற்காக, என்னை நேர்காணலுக்கு அழைக்க வேண்டும் என்ற அவசியம் இல்லை.
தொண்டர்களின் எழுச்சி
தொண்டர்களின் எழுச்சியை பார்க்கும் போதே தமிழச்சியின் வெற்றி உறுதியாகி இருக்கிறது. அழகான வேட்பாளர்களை வெற்றிபெற வையுங்கள். அழகான வேட்பாளரை பிரதிநிதியாக அனுப்பாமல் இருந்து விடாதீர்கள். அழகு என்பது தமிழ் மீது அவர் கொண்ட பற்றை சொல்கிறேன்.
அழகு
அவரின் பாசத்தை, மொழியை, அரசியல் அறிவை அழகு என்று குறிப்பிடுகிறேன். அவரை மக்கள் வெற்றிபெற செய்ய வேண்டும் என்று உதயநிதி ஸ்டாலின் குறிப்பிட்டார். உதயநிதி ஸ்டாலினின் பேச்சால் தமிழச்சி தங்கபாண்டியன் வெட்கத்தில் நெளிந்தார். இதையடுத்து தொண்டர்கள் கரகோஷம் எழுப்பினார்கள்.
Click it and Unblock the Notifications
Sign in with Google