“200 தொகுதிகளில் வெற்றி” - செங்கோட்டையன்! வாய்ப்பில்லை ராஜா.. தமிழிசை சௌந்தரராஜனின் பதிலை பாருங்க!

சென்னை: தமிழகத்தில் சட்டமன்ற தேர்தல் நடந்து முடிந்திருக்கும் நிலையில், தேர்தல் ரிசல்ட்டுக்காக அரசியல் கட்சிகள் காத்துக்கிடக்கின்றன. இந்நிலையில், தமிழக வெற்றிக் கழகம் அசால்ட்டாக 200 தொகுதிகளில் வெற்றிப்பெறும் என்று அக்கட்சியின் மூத்த தலைவர் செங்கோட்டையன் நம்பிக்கை தெரிவித்திருக்கிறார். அவருக்கு பாஜகவின் தமிழிசை சௌந்தரராஜன் கொடுத்துள்ள பதில் கவனம் பெற்றிருக்கிறது.

விஜய்யின் தமிழக வெற்றிக் கழகம், சட்டமன்ற தேர்தலில் பெரிய தாக்கத்தை ஏற்படுத்தும் என்று அக்கட்சி நிர்வாகிகள் தொடர்ந்து கூறி வருகின்றனர்.

சமீபத்தில் இது குறித்து பேசியிருந்த செங்கோட்டையன், "எங்கள் கட்சி 200க்கும் அதிகமான தொகுதிகளில் வெற்றி பெறும்" என்று நம்பிக்கை தெரிவித்திருந்தார். இது குறித்து, பாஜக மூத்த தலைவரான தமிழிசை சௌந்தரராஜனிடம் செய்தியாளர்கள் கேள்வி எழுப்பியிருந்தனர். அதற்கு பதிலளித்த அவர்,

"தவெக 200க்கும் அதிகமான தொகுதிகளில் வெற்றிப்பெறும் என்று செங்கோட்டையன் கனவு காண்கிறார். தவெகவினர் மே.4 வரை கனவு காணட்டும். ஓட்டை பிரிப்பார், ஸ்பாய்லராக இருப்பார் என்று சொன்னால், அதில் எனக்கு மாற்றுக்கருத்து கிடையாது. ஒரு சில தொகுதிகளில் வெற்றி பெறும் என்று சொன்னாலும் கூட ஓகேதான்.

ஆனால், 200க்கும் அதிகமான தொகுதிகளில் ஜெயிக்கும் என்று சொல்வதெல்லாம் கொஞ்சம் ஓவர். இது சாதாரண சத்தம் இல்லை. வெடிகுண்டு சத்தம் போன்றது. விசில் சத்தம் அந்த அளவுக்கு இருக்காது. கனவு காண்பதற்கு எல்லோருக்கும் தகுதி இருக்கிறது. எனவே மே.4ம் தேதி வரை அவர்கள் கனவு காணட்டும்.

200க்கும் அதிகமான தொகுதிகளை ஜெயிப்பார் என்று சொல்வதெல்லாம் யதார்த்தம் இல்லாதது. தற்போது ஆன்மீகத்தை தேடி செல்லும் விஜய், அதன் பிறகு ஷூட்டிங்கிற்கு இடம் தேடி போவாரோ என்று சந்தேகமாக உள்ளது" என்று கூறியிருக்கிறார்.

பெரம்பூர் மற்றும் திருச்சி கிழக்கு தொகுதியில் விஜய் களமிறங்கியிருந்தார். பாஜக உட்பட பல்வேறு கட்சிகளிலிருந்து தவெகவில் இணைந்தவர்களுக்கு சீட் கொடுக்கப்பட்டிருந்தது. மொத்தம் 233 தொகுதிகளில் தவெக களம் கண்டிருக்கிறது. தேர்தல் முடிந்த நிலையில், விஜய் கோயில் கோயிலாக ரவுண்டடித்து வருகிறார். நேற்று திருச்செந்தூர் முருகன் கோயிலுக்கு சென்ற அவர், இன்று ஸ்ரீரடி சாய்பாபா கோயிலுக்கு சென்றிருக்கிறார். மறுபுறம் தவெக நிர்வாகிகள், வெற்றி உறுதி என்று நம்பிக்கை தெரிவித்து வருகின்றனர்.

English summary

With the Assembly elections in Tamil Nadu having concluded, political parties are now awaiting the results. Against this backdrop, Sengottaiyan, a senior leader of the Tamilaga Vettri Kazhagam, has expressed confidence that his party will effortlessly secure victory in 200 constituencies. The response given to him by the BJP's Tamilisai Soundararajan has garnered significant attention.