2021ல் திமுக vs அதிமுக.. எந்த மண்டலத்தில் எந்தெந்த கட்சி ஆதிக்கம் செய்தது? தமிழ்நாடு MAPஐ பாருங்க!
சென்னை: 2021 தமிழக சட்டசபைத் தேர்தலில் எந்தெந்த தொகுதிகளில் எந்த கட்சிகள் வென்ற என்பது தொடர்பாக தமிழ்நாடு மாநில மேப் (MAP) மூலமாக அறிந்து கொள்ளலாம். இதில் சிவப்பு நிறத்தில் இருக்கும் பகுதிகளில் திமுக வென்ற தொகுதிகளாகும். பச்சை நிறத்தில் உள்ள பகுதிகள் அதிமுக வென்ற தொகுதிகளாகும்.
2021ல் 234 தொகுதிகளில் நடைபெற்ற சட்டசபைத் தேர்தலுக்கான முடிவில் திமுக கூட்டணி 159 தொகுதிகளிலும், அதிமுக கூட்டணி 75 தொகுதிகளிலும் வென்றது. திமுக தலைமையிலான கூட்டணியில் காங்கிரஸ், விசிக, சிபிஐ, சிபிஎம் உள்ளிட்ட கட்சிகள் சொந்த சின்னத்தில் போட்டியிட்டன. அதேபோல் அதிமுக கூட்டணியில் பாஜக, பாமக உள்ளிட்ட கட்சிகள் இணைந்து போட்டியிட்டன.
அதில் திமுக 133 தொகுதிகளிலும், காங்கிரஸ் 18 தொகுதிகளிலும், விசிக 4 தொகுதிகளிலும், சிபிஐ மற்றும் சிபிஎம் ஆகிய கட்சிகள் தலா 2 தொகுதிகளிலும் வென்றது. அதேபோல் அதிமுக கூட்டணி அதிமுக 66 தொகுதிகளிலும், பாமக 5 தொகுதிகளிலும், பாஜக 4 தொகுதிகளிலும் வென்றது. கீழே கொடுக்கப்பட்டுள்ள மேப்பில் சிவப்பு நிறத்தில் இருக்கும் பகுதிகள் திமுக வென்ற தொகுதிகளாகும்.
நீல நிறத்தில் இருக்கும் பகுதிகள் விசிக வென்ற தொகுதிகளாகும். அதேபோல் கடல் நீல நிறத்தில் உள்ள பகுதிகள் காங்கிரஸ் கட்சி வென்ற தொகுதிகளாகும். சிபிஐ மற்றும் சிபிஎம் கட்சிகள் வென்றவை ரத்த நிறத்தில் காட்டப்பட்டுள்ளன. அதேபோல் அதிமுக வென்ற தொகுதிகள் பச்சை நிறத்தில் காட்டப்பட்டுள்ளது. மஞ்சள் நிறத்தில் இருக்கும் பகுதிகள் பாமக வென்ற தொகுதிகளாகும்.
அதேபோல் காவி நிறத்தில் இருக்கும் பகுதிகள் பாஜக வென்ற தொகுதிகளாகும். இதன் மூலமாக கொங்கு மண்டலத்தில் அதிமுக ஆதிக்கமும், டெல்டா, சென்னை, மத்திய மாவட்டங்கள் மற்றும் தென் மாவட்டங்களில் திமுக கூட்டணி ஆதிக்கம் செய்திருப்பதை பார்க்க முடியும்.
Click it and Unblock the Notifications
Sign in with Google