'சிவப்பு' டிசர்ட்.. முதல்வர் ஸ்டாலின் அதிரடி ஒர்க்அவுட்.. இணையத்தை தெறிக்கவிடும் புதிய வீடியோ வைரல்

Updated: Monday, June 28, 2021, 20:31 [IST]

Subscribe to Oneindia Tamil

சென்னை: தமிழ்நாடு முதலமைச்சர் மு க ஸ்டாலின் அண்மையில் உடற்பயிற்சி செய்த வீடியோ ஒன்று தற்போது இணையதளத்தில் வைரலாகியுள்ளது.

தமிழ்நாடு முதலமைச்சராக ஸ்டாலின் கடந்த மாதம் பதவியேற்றார். அப்போது மாநிலத்தில் கொரோனா பாதிப்பு அதிகமா இருந்தது.

இதனால் ஆளுநர் மாளிகையில் நடைபெற்ற பதவியேற்பு விழாவும் எளிமையாகவே நடைபெற்றது.

முதல்வர் ஸ்டாலின்

தமிழ்நாடு முதல்வர் ஸ்டாலின் உடற்பயிற்சியில் ஆர்வம் கொண்டவர். தொடர்ந்து அரசியல் பரபரப்புகளுக்கு மத்தியில் இருந்தாலும்கூட வாரத்தில் சில நாட்களாவது கட்டாயம் உடற்பயிற்சி செய்து வருகிறார் ஸ்டாலின். கடந்த சில ஆண்டுகளுக்கு முன்புகூட ஜிம்மில் அவர் ஓர்க் அவுட் செய்யும் வீடியோ இணையத்தில் வைரலானது.

சைக்கிளிங்

சட்டசபைத் தேர்தல் பிரசாரத்தின் சமயத்தில்கூட சென்னை கிழக்கு கடற்கரைச் சாலையில் சைக்கிளிங் செல்வதை வாடிக்கையாகக் கொண்டிருந்தார். கண்ணாடி, ஹெல்மெட் என கலக்கலாக படுவேகமாக ஸ்டாலின் சைக்கிளிங் சென்ற அந்த வீடியோவும், புகைப்படங்களும் இணையத்தில் வைரலானது.

ஓர்க் அவுட் வீடியோ

இந்நிலையில், தமிழ்நாடு முதலமைச்சர் மு க ஸ்டாலின் அண்மையில் உடற்பயிற்சி செய்த வீடியோ ஒன்று தற்போது சமூக வலைத்தளங்களில் வைரல் ஆகி வருகிறது. அதில் சிவப்பு நிற டீசர்ட் அணிந்துள்ள ஸ்டாலின், ஜிம்மில் வொர்க் அவுட் செய்கிறார். இந்த வீடியோ இணையத்தில் தற்போது வைரலாகியுள்ளது.

திமுக

அரசியல் பரபரப்புகளுக்கு மத்தியிலும் 68 வயதான போதிலும் உடற்பயிற்சி செய்து வருவதாலேயே இன்னும் அவர் இளமையாக இருப்பதாக திமுகவினர் கூறி வருகின்றனர். கொரோனா பாதிப்பு காரணமாக அனைவரும் வீடுகளிலேயே இருக்க வேண்டிய சூழ்நிலை ஏற்பட்டுள்ள நிலையில், உடலை நலமாக வைத்திருக்க உடற்பயிற்சி செய்ய வேண்டும் என மருத்துவர்கள் தொடர்ந்து வலியுறுத்தி வருவது குறிப்பிடத்தக்கது.