"கப்சா.." மகளிர் 33% இட ஒதுக்கீடு மசோதாவே பாஜகவின் சதிதான்.. முதல்வர் ஸ்டாலின் கடும் தாக்கு

சென்னை: சென்னை மகளிர் உரிமை மாநாட்டில் பேசிய தமிழ்நாடு முதல்வர் ஸ்டாலின் மத்திய பாஜக அரசை மிகக் கடுமையாக விமர்சித்துப் பேசினார்.

சென்னை நந்தனம் ஒய்எம்சிஏ திடலில் இன்று திமுக மகளிர் அணி சார்பில் மகளிர் உரிமை மாநாடு நடைபெறுகிறது. சோனியா காந்தி இந்த மாநாட்டில் சிறப்பு விருந்தினராகக் கலந்து கொள்கிறார். மேலும், பிரியங்கா காந்தி, சுப்ரியா சுலே எனப் பல தேசிய தலைவர்களும் இந்த மாநாட்டில் கலந்து கொண்டனர்.

இந்த மாநாட்டில் பேசிய முதல்வர் ஸ்டாலின், "ஒரே நாடு, ஒரே தேர்வு, ஒரே மொழி என்று ஒற்றை ஆட்சியைக் கொண்டு வர பாஜக திட்டமிடுகிறது.. இந்திய மக்களின் நலனுக்கு எதிராக பாஜக அரசு செயல்பட்டு வருகிறது.. பாஜகவைத் தோற்கடிப்பதே இந்தியாவில் உள்ள அனைத்து ஜனநாயக கட்சிகளின் கடமை.

பாஜக மீண்டும் ஆட்சிக்கு வந்தால் மக்களாட்சி முறை, நாடாளுமன்றம் இருக்குமா என்ற கேள்வி எழுந்துள்ளது.. மகளிர் இட ஒதுக்கீடு கிடைக்கக் கூடாது என்ற நோக்கிலேயே பாஜக இட ஒதுக்கீடு சட்டத்தைக் கொண்டு வந்துள்ளனர்.. வரும் லோக்சபா தேர்தலில் இதைக் கொண்டு வந்திருந்தால் மோடியைப் பாராட்டி இருக்கலாம்.

பாஜக கொண்டு வந்துள்ள மகளிர் இட ஒதுக்கீடு மசோதா ஒரு கப்சா மசோதா.. இதன் காரணமாகவே இதற்கு பல்வேறு நிபந்தனைகளை விதித்துள்ளனர்.. இப்படி மகளிர் இட ஒதுக்கீட்டைத் தடுக்க நினைக்கும் பாஜக 2024க்கு பிறகு ஆட்சியில் இருக்கப் போவதில்லை.. மகளிர் இட ஒதுக்கீடு மசோதாவை பாஜகவின் சதியாகவே பார்க்க வேண்டும்.

சாதிவாரியான கணக்கெடுப்பு கேட்டால், மக்களைப் பிரிக்கப் பார்ப்பதாக மோடி கூறுகிறார்... அனைத்து தரப்பினருக்கும் உரிமை கிடைக்க வேண்டும் என்பதற்காகவே சாதி வாரியான மக்கள்தொகை கணக்கெடுப்பைக் கேட்கிறோம்.. ராகுல் காந்தி இப்போது சமூக நீதிக்காகத் தொடர்ந்து குரல் கொடுத்து வருகிறார்" என்று அவர் தெரிவித்தார்.

English summary

DMK Womens Rights Conference CM Stalin speech: DMK Womens Rights Conference news tamil,