தமிழக மக்களவை தொகுதியின் காங்கிரஸ் வேட்பாளர்கள் யார் யார்? இன்று வெளியாகும் பட்டியல்
சென்னை: தமிழகத்தில் மக்களவைத் தேர்தலில் காங்கிரஸ் கட்சி சார்பில் போட்டியிடும் வேட்பாளர்கள் யார் யார் என்பது குறித்து இன்று வெளியாகிறது.
புதுவை எம்பி தொகுதியில் காங்கிரஸ் வேட்பாளராக வைத்திலிங்கம் களமிறக்கப்படுகிறார். இதற்கான அறிவிப்பு நேற்று வெளியானது.
மக்களவைத் தேர்தலுக்கான வாக்குப் பதிவு வரும் ஏப்ரல் 19ஆம் தேதி தொடங்கி ஜூன் 1 ஆம் தேதி வரை 7 கட்டங்களாக நடைபெறவுள்ளது. இந்தத் தேர்தலில் பதிவான வாக்குகள் ஜூன் 4ஆம் தேதி எண்ணப்படுகிறது.
கடந்த 20ஆம் தேதி முதல் வேட்புமனு தாக்கல் தொடங்கியது. இது வரும் 27ஆம் தேதி முடிவடைகிறது. தமிழகத்தில் திமுக, அதிமுக, பாஜக ஆகிய கூட்டணிகள் தொகுதி பங்கீட்டை நிறைவு செய்தன. இந்த நிலையில் காங்கிரஸ் கட்சி சார்பில் தேர்தல் அறிக்கை தயாரிப்பு பணிகளும் தீவிரமாக நடந்து வருகின்றன.
இந்த நிலையில் காங்கிரஸ் கட்சியின் காரிய கமிட்டி கூட்டம் டெல்லியில் நேற்று முன் தினம் நடந்தது. இதில் மக்களவைத் தேர்தலுக்காக தேர்தல் அறிக்கை தயாரிப்பது குறித்து ஆலோசனைகள் மேற்கொள்ளப்பட்டன. இந்த நிலையில் தமிழகம் மற்றும் புதுவையில் காங்கிரஸ் கட்சிக்கு 10 மக்களவை தொகுதிகளை திமுக ஒதுக்கியுள்ளது.
இதில் யாரை வேட்பாளராக நிறுத்துவது என்பது குறித்து சென்னை காங்கிரஸ் அலுவலகத்தில் தமிழக காங்கிரஸ் கமிட்டி தலைவர் செல்வப்பெருந்தகை தலைமையில் ஆலோசனை நடந்தது. டெல்லியில் அகில இந்திய காங்கிரஸ் தலைவர் மல்லிகார்ஜுன கார்கேவுடனும் ஆலோசனை நடத்தப்பட்டது.
இந்த ஆலோசனையில் தமிழக காங்கிரஸ் பொறுப்பாளர் அஜோய்குமார், ஸ்ரீவல்ல பிரசாத் மற்றும் தமிழக காங்கிரஸ் குழுத் தலைவர் ராஜேஷ் குமார் ஆகியோர் கலந்து கொண்டனர். அப்போது ஒவ்வொரு தொகுதிக்கு 3 பெயர்களை கொண்ட பட்டியல் ஒப்படைக்கப்பட்டது.
இந்த நிலையில் நேற்றைய தினம் வேட்பாளர் பட்டியல் வெளியாகும் என எதிர்பார்க்கப்பட்ட நிலையில் இன்று வெளியாகும் என எதிர்பார்க்கப்படுகிறது.
Click it and Unblock the Notifications
Sign in with Google