நிரஞ்சன் மார்டி ஓய்வு.. புதிய உள்துறை செயலாளராக எஸ்.கே. பிரபாகர் நியமனம்.. தமிழக அரசு உத்தரவு

சென்னை: புதிய உள்துறை செயலாளராக எஸ்.கே. பிரபாகரரை நியமனம் செய்து தமிழக அரசு உத்தரவிட்டுள்ளது.

தமிழக உள்துறை செயலாளராக இருந்தவர் நிரஞ்சன் மார்டி. இவர் தமிழகத்தை சேர்ந்தவர். 1986-ஆம் ஆண்டு ஐஏஎஸ் தேர்வில் தேர்ச்சி பெற்றார்.

நெடுஞ்சாலை சிறு துறைமுகங்கள் துறை செயலாளர். சிறு குறு நடுத்தர தொழில்கள் துறையின் செயலாளர் உள்ளிட்ட பல்வேறு பதவிகளில் இருந்தார். இவர் கடந்த 2013-ஆம் ஆண்டு உள்துறை செயலாளர் பதவியில் நியமிக்கப்பட்டார்.

மீண்டும் உள்துறை செயலாளர்

பின்னர் அவரை ஜெயலலிதா புள்ளியியல் மற்றும் பொருளியல் துறை ஆணையாளர் பதவிக்கு நியமிக்கப்பட்டார். பின்னர் ஜெயலலிதா இறந்த பிறகு 2017-ஆம் ஆண்டு அவர் மீண்டும் உள்துறை செயலாளராக்கப்பட்டார்.

ரேஸில் இருந்த 6 பேர்

இந்த நிலையில் அவரது பதவிக்காலம் இன்றுடன் முடிவடைகிறது. இதனால் உள்துறை செயலாளர் பதவிக்கு யார் நியமிக்கப்படுவர் என்ற எதிர்பார்ப்பு எழுந்தது. சீனியாரிட்டி அடிப்படையில் வி.கே ஜெயக்கொடி, 2. மீனாட்சி ராஜகோபால், 3. ரோல்கும்லீன் பஹ்ரீல், 4. ராஜீவ் ரஞ்சன், 5. சந்திரமவுலி, 6. ஜன்மோகன் ராஜு ஆகியோர் ரேஸில் இருந்தனர்.

எஸ் கே பிரபாகர்

இந்த 6 பேரில் 4 பேரின் பதவிக்காலம் 2021-ஆம் ஆண்டு சட்டசபை தேர்தலுக்கு முன்பாகவே முடிவடைந்து விடுகிறது. இதனால் 1986-ஆம் ஆண்டுக்கு பிறகு ஐஏஎஸ் தேர்ச்சி பெற்றவர்களே தேர்வு செய்யப்படுவர் என எதிர்பார்க்கப்பட்டது. அதில் நெடுஞ்சாலைகள் மற்றும் துறை துறைமுகங்கள் துறை செயலாளராக உள்ள எஸ்.கே. பிரபாகரனுக்கு அதிக வாய்ப்பு என சொல்லப்பட்டது.

வேலூர் ஆட்சியர்

இவர் முதல்வரின் துறை சார்ந்தவர் என்பதால் இவர் உள்துறை செயலாளராக நியமிக்கப்படலாம் என கூறப்பட்டது. அதன்படி தமிழக அரசின் உள்துறை செயலாளராக எஸ்கே பிரபாகர் நியமிக்கப்பட்டுள்ளார். விருதுநகரை சேர்ந்த இவர் 1989-இல் ஐஏஎஸ் தேர்வை முடித்தவர். இவர் வேலூர் ஆட்சியராகவும் பல்வேறு துறைகளின் செயலாளராகவும் இருந்துள்ளார்.

English summary

Tamilnadu government appoints S.K.Prabhakar as Home secretary. He was served as Principal Secretary of National highways and Minor ports department.