நெருங்கும் உள்ளாட்சி தேர்தல்.. இன்று முதல்வர் தலைமையில் தமிழக அமைச்சரவை கூட்டம்.. முக்கிய முடிவு?

இன்று காலை 11 மணி அளவில் சென்னையில் தலைமை செயலகத்தில் தமிழக அமைச்சரவை கூட்டம் நடைபெறுகிறது.

சென்னை: இன்று காலை 11 மணி அளவில் சென்னையில் தலைமை செயலகத்தில் தமிழக அமைச்சரவை கூட்டம் நடைபெறுகிறது.

இன்னும் ஒரு மாதத்தில் உள்ளாட்சி தேர்தலை நடத்த தமிழக அரசு முடிவு செய்துள்ளது. இதற்காக தமிழக அரசு தீவிரமாக தயாராகி வருகிறது. எப்போது வேண்டுமானாலும் தேர்தல் ஆணையம் தேர்தல் தேதிகளை அறிவிக்க வாய்ப்புள்ளது. உள்ளாட்சி தேர்தலில் அதிமுக வெற்றியை பதிவு செய்ய முடிவு செய்துள்ளது.

இந்த நிலையில் முதல்வர் பழனிசாமி தலைமையில் இன்று சென்னையில் தலைமை செயலகத்தில் தமிழக அமைச்சரவை கூட்டம் நடைபெறுகிறது. உள்ளாட்சி தேர்தல் குறித்து அமைச்சரவை கூட்டத்தில் முடிவு செய்யப்பட உள்ளது.

அதேபோல் துணை முதல்வர் ஓ. பன்னீர்செல்வம் வெளிநாட்டு பயணம் குறித்தும், அதில் செய்யப்பட்ட முதலீடுகள் குறித்தும் ஆலோசிக்க உள்ளனர். மேலும் தொழில் துறைக்கான ஒப்பந்தங்களுக்கு வழங்கப்பட வேண்டிய ஒப்புதல் தொடர்பாகவும் இதில் முடிவு எடுக்கப்பட உள்ளது.

தமிழகத்தில் புதிதாக உருவாக்கப்பட்டுள்ள மாவட்டங்களுக்கான நலத்திட்டங்களை அறிவிக்கவும் இதில் முடிவு எடுக்கப்பட உள்ளது. அதேபோல் உள்ளாட்சி தேர்தலுக்கு பின் அமைச்சரவை விரிவாக்கம் செய்யப்பட உள்ளது. இது தொடர்பாகவும் அமைச்சரவையில் ஆலோசிக்க இருக்கிறார்கள்.

English summary

Tamilnadu Ministry Meeting: The officials will discuss Local Body elections today.