சென்னை டூ செந்தூர் ... அனைத்து மண்டலங்களுக்கும் பிரதிநிதித்துவம்.. கலக்கும் ஸ்டாலின் அமைச்சரவை

Updated: Thursday, May 6, 2021, 23:55 [IST]

Subscribe to Oneindia Tamil

சென்னை: தமிழக முதல்வராக ஸ்டாலின் நாளை பொறுப்பேற்கும் நிலையில், அவரது அமைச்சரவை அனைத்து மண்டலங்களைச் சேர்ந்த அமைச்சர்களும் இடம் பெற்றுள்ளனர்.

தமிழ்நாட்டில் நடந்து முடிந்த சட்டசபை தேர்தலில் உதய சூரியன் சின்னத்தில் போட்டியிட்ட கூட்டணி வேட்பாளர்கள் உட்பட மொத்தம் 133 இடங்களில் திமுக வென்றது. அக்கட்சியின் சட்டப்பேரவை தலைவராக ஸ்டாலின் தேர்ந்தெடுக்கப்பட்டார்.

தமிழக ஆளுநர் ஆட்சி அமைக்க அழைப்பு விடுத்ததைத் தொடர்ந்து, திமுக தலைவர் ஸ்டாலின் நாளை முதல்வராகப் பதவியேற்கிறார். அவருடன் மொத்தம் 34 பேர் அமைச்சர்களாகப் பதவியேற்கின்றனர்.

அமைச்சரவை பட்டியல்

இந்நிலையில், அமைச்சரவை பட்டியல் தற்போது வெளியாகியுள்ளது. அதில் கடந்த 2006ஆம் ஆண்டில் கருணாநிதி அமைச்சரவையில் இடம்பெற்றிருந்த 14 பேருக்கு மீண்டும் வாய்ப்பளிக்கப்பட்டுள்ளது. புதியவர்கள் 15 பேருக்கு இந்த முறை வாய்ப்பு கொடுக்கப்பட்டுள்ளது. அதேபோல மண்டல வாரியாகவும் சரி சமமான பிரதிநிதித்துவமே அளிக்கப்பட்டுள்ளது.