தமிழக பிளஸ் டூ ரிசல்ட்: சபாஷ்.. வழக்கம்போல மாணவர்களை முந்திய மாணவிகள்!

சென்னை: தமிழக பிளஸ் 2 தேர்வு முடிவுகள் இன்று வெளியாகியுள்ளன. வழக்கம்போல மாணவர்களை விட மாணவிகளே அதிக தேர்ச்சி பெற்றுள்ளனர்.

தமிழகம் மற்றும் புதுச்சேரி மாநிலங்களில், 12ம் வகுப்புக்கு மார்ச் 1 முதல் 19ம் தேதி வரையிலும் தேர்வுகள் நடைபெற்றன. மொத்தம் 8.87 லட்சம் பேர், 12ம் வகுப்பு தேர்வெழுதினர். இன்று காலை 9.30 மணிக்கு தேர்வு முடிவுகள் வெளியாகியது.

பிளஸ் டூ பொதுத் தேர்வில் மொத்தம், 91.3 சதவீதம் பேர் தேர்ச்சி பெற்றுள்ளனர். இந்த முறையும், மாணவர்களை விட மாணவிகளே அதிக தேர்ச்சி பெற்றுள்ளனர்.
மாணவிகள் 93.64 சதவீதம், மாணவர்கள், 88.57 சதவீதம் தேர்ச்சி பெற்றுள்ளனர்.

English summary

Tamilnadu plus two results comes out today as usual girl students get more pass percentage than boy students.