தந்தி எக்சிட் போல்.. திருவொற்றியூரில் சீமானுக்கு தோல்வி முகம்.. திமுக சங்கருக்கு வெற்றி வாய்ப்பு

சென்னை: தமிழக சட்டசபை தேர்தலில் நாம் தமிழர் கட்சியின் தலைமை ஒருங்கிணைப்பாளர் சீமான் தோல்வி அடைய வாய்ப்புள்ளதாக தந்தி டிவி கணிப்பு தெரிவித்துள்ளது.

தமிழக சட்டசபை தேர்தல் முடிந்த ஒரு மாதம் ஆகிவிட்ட நிலையில் வரும் மே 2ம் தேதி தேர்தல் முடிவுகள் வெளியாக உள்ளன. இந்த நிலையில் தமிழக சட்டசபை தேர்தல் தொடர்பான தேர்தலுக்கு பிந்தைய கருத்து கணிப்பு முடிவுகள் தற்போது வெளியாகி வருகின்றன.

இதுவரை வெளியான தேர்தலுக்கு பிந்தைய கருத்து கணிப்புகளில் எல்லாம் திமுக கூட்டணியே பெரும்பான்மை பெற்று வெற்றிபெறும் என்று கூறப்பட்டுள்ளது. தந்தி டிவியும் தமிழக சட்டசபை தேர்தல் தொடர்பாக தொகுதி வாரியாக கணிப்புகளை வெளியிட்டுள்ளது.

அதில் நாம் தமிழர் கட்சியின் தலைமை ஒருங்கிணைப்பாளர் சீமான் தோல்வி அடைய வாய்ப்புள்ளதாக தந்தி டிவி கணிப்பு தெரிவித்துள்ளது. தமிழக சட்டசபை தேர்தலில் திருவொற்றியூர் தொகுதியில் சீமான் போட்டியிட்டார்.

இங்கு அதிமுக சார்பாக கே குப்பன் போட்டியிட்டார். திமுக சார்பாக கே.பி சங்கர் போட்டியிட்டார். இந்த நிலையில் திருவொற்றியூர் தொகுதியில் திமுக வேட்பாளர் சங்கர் வெற்றிபெற வாய்ப்புள்ளதாக தந்தி டிவி நடத்திய தேர்தலுக்கு பிந்தைய கருத்து கணிப்பில் தெரிவிக்கப்பட்டுள்ளது.

இங்கு திமுகதான் வெற்றிபெறும், நாம் தமிழர் சீமான் வெற்றிபெற வாய்ப்பு இல்லை என்று தந்தி டிவி கணிப்பு தெரிவிக்கிறது.

English summary

Tamilnadu State Assembly Elections Exit Poll: Seeman may not win in Tiruvottiyur says Thanthi TV survey.