"அலர்ட்".. சென்னை வெளிவட்ட சாலையில் 4 இடங்களில் " டோல் கட்டணம்" உயர்த்திய தமிழக அரசு.. எவ்ளோ தெரியுமா

மீஞ்சூர் - வண்டலூர் வெளி வட்டச் சாலையில் சுங்க கட்டணம் உயர்த்தப்பட்டுள்ளது

சென்னை: மீஞ்சூர் - வண்டலூர் வெளி வட்டச் சாலையில் சுங்க கட்டணத்தை உயர்த்தி தமிழக அரசு உத்தரவிட்டுள்ளது.. அதன்படி, வரதராஜபுரம், கோலப்பஞ்சேரி, பாலவீடு, சின்னமுல்லைவாயல் ஆகிய சுங்கச்சாவடிகளில் கட்டணம் உயர்த்தப்பட்டுள்ளது.

சென்னை மீஞ்சூர் முதல் வண்டலூர் வரை 60 கிலோமீட்டர் தூர வெளிவட்ட சாலையானது ரூபாய் 2,156 கோடி மதிப்பில் கடந்த ஆண்டு முடிக்கப்பட்டுள்ளது.. இது பொதுமக்கள் பயன்பாட்டுக்கும் கொண்டு வரப்பட்டுள்ளது.

இதையடுத்து, ஜனவரி மாதம் முதல் இந்த சாலையில் 5 இடங்களில் சுங்க கட்டணம் வசூலிக்க முடிவு செய்து அறிவிப்பு ஒன்று வெளியாகி இருந்தது..

கட்டணம் உயர்வு

இந்நிலையில் இப்போது, இந்த சாலையில் சுங்க கட்டணத்தை உயர்த்தி தமிழ்நாடு சாலை மேம்பாட்டு நிறுவனம் உத்தரவிட்டுள்ளது.. இதன்படி வரதராஜபுரம், கோலப்பன் சேரி, பாலவேடு சின்ன முல்லை வாயில் ஆகிய சுங்க சாவடியில் கட்டணத்தை உயர்த்தி அறிவிப்பு வெளியிட்டுள்ளது... அதாவது, வரதராஜபுரம் சுங்கச்சாவடியில் முதல் சென்று வர 50 ரூபாய் முதல் 323 ரூபாய் வரையும், மாதம் முழுவதும் பயணிக்க 2923 ரூபாய் முதல் 18,890 ரூபாய் ஆகவும் கட்டணம் நிர்ணயம் செய்யப்பட்டுள்ளது.

கோலப்பன் சேரி

அதேபோல, கோலப்பன் சேரி சுங்கச்சாவடியில் முதல் சென்று வர 21 ரூபாய் முதல் 115 ரூபாய் வரையும், மாதம் முழுவதும் பயணிக்க 1225 ரூபாய் முதல் 7913 ரூபாய் ஆகவும் கட்டணம் நிர்ணயம் செய்யப்பட்டுள்ளது... மேலும், பாலவேடு சங்கச்சாவடியில் முதல் சென்று வர 27 ரூபாய் முதல் 173 ரூபாய் வரையும், மாதம் முழுவதும் பயணிக்க 1577 ரூபாய் முதல் 10,192 ரூபாய் ஆகவும் கட்டணம் நிர்ணயம் செய்யப்பட்டுள்ளது... சின்ன முல்லை வாயில் சுங்கச்சாவடியில் முதல் சென்று வர 18 ரூபாய் முதல் 119 ரூபாய் வரையும், மாதம் முழுவதும் பயணிக்க 1080 ரூபாய் முதல் 6976 ரூபாய் ஆகவும் கட்டணம் நிர்ணயம் செய்யப்பட்டுள்ளது..

ஜூலை 5 முதல்

இந்த கட்டண உயர்வானது வரும் ஜூலை 5ம் தேதி முதல் அமலுக்கு வருகிறது.. 3 சக்கர வாகனம் முதல் கனரக வாகனங்கள் வரை என தினசரி கட்டணத்தில் சராசரியாக ரூ. 5 லிருந்து ரூ.22 வரை உயர்த்தியுள்ளது. அதேபோல மாதாந்திர கட்டணத்தில் ரூ.194லிருந்து ரூ. 1,250 வரை உயர்த்தியுள்ளது.. அதுமட்டுமல்ல, 31.03.2023 வரை இது அமலில் இருக்கும் என்றும் அறிவிவிக்கப்பட்டுள்ளது.. வழக்கமாக, ஆண்டுதோறும் சுங்கக் கட்டணம் மாற்றியமைக்கப்படும்.

2வது முறை

ஆனால் இந்த ஆண்டு இது இரண்டாவது முறையாக அதாவது, வண்டலூரை மீஞ்சூருடன் இணைக்கும் 60 கிமீ நீளமான, வரதராஜபுரம், கொளப்பஞ்சேரி, நெம்மேலிச்சேரி மற்றும் சின்னமுல்லைவாயல் ஆகிய இடங்களுக்கு கட்டணம் திருத்தப்பட்டுள்ளது.2023ம் ஆண்டு ஏப்ரலில் மீண்டும் சுங்க கட்டணம் மறுசீரமைக்கப்பட வாய்ப்புள்ளதாக தெரிகிறது.. அதேசமயம், இதில், கட்டணம் 5% - 10% உயர்த்தவோ அல்லது சிலவற்றிற்கு மட்டும் குறைக்கப்படவோ வாய்ப்புள்ளதாகவும் தகவல்கள் வெளியாகி உள்ளன..

மாற்றியமைப்பு

இதுகுறித்து, தமிழ்நாடு சாலை மேம்பாட்டு நிறுவனத்தின் பொதுமேலாளர் சொல்லும்போது, "இந்த நிதியாண்டின் தொடக்கத்திலேயே அதாவது, ஏப்ரல் 1ம் தேதியே இந்த மாற்றங்கள் திருத்தப்பட்டிருக்க வேண்டும்.. ஆனால், இந்த நான்கு இடங்களிலும், கடந்த ஜனவரி 5-ம் தேதிதான் சுங்கவரி வசூல் தொடங்கியது... விதிகளின்படி, ஏற்கனவே விதிக்கப்பட்டிருந்த கட்டணத்தை 6 மாதங்களுக்குள் மாற்றியமைக்க முடியாது. அதனால், திருத்தப்பட்ட கட்டண விகிதங்களை இப்போது அறிவித்துள்ளோம்.. ஆனால், அடுத்த ஆண்டு முதல், இந்த திருத்தம் ஏப்ரல் 1ம் தேதியே மேற்கொள்ளப்படும்" என்றார்

English summary

tamilnadu toll revised upwards at 5 plazas on outer ring road and old mahabalipuram road மீஞ்சூர் - வண்டலூர் வெளி வட்டச் சாலையில் சுங்க கட்டணம் உயர்த்தப்பட்டுள்ளது