தமிழகத்தை குளிர்ச்சியாக்கும் மழை! இன்று மாநிலத்தில் வானிலை எப்படி இருக்கும்! எங்கெல்லாம் மழை இருக்கு

சென்னை: தமிழ்நாட்டில் இன்று பல்வேறு இடங்களில் மழை பெய்ய வாய்ப்புள்ளதாக வானிலை மையம் முக்கிய தகவல்களைப் பகிர்ந்துள்ளது.

தமிழ்நாட்டில் கடந்த மே மாதம் கோடைக் காலம் இருந்தது. இருப்பினும், கடந்த ஆண்டுகளைக் காட்டிலும் இன்று வெப்பம் குறைவாகவே இருந்தது.

இதனிடையே கடந்த சில நாட்களாகவே மாநிலத்தில் கணிசமாக மழை பெய்து வருகிறது. அதன்படி வரும் மாநிலங்களிலும் மாநிலத்தில் நல்ல மழை பெய்யும் என வானிலை மையம் கூறி உள்ளது.

மழை

இன்றைய (ஜூன் 18) தமிழ்நாடு, புதுவை மற்றும் காரைக்கால் பகுதிகளில் அநேக இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். நீலகிரி, கோயம்புத்தூர், திருப்பூர், தேனி, திண்டுக்கல், கிருஷ்ணகிரி, தருமபுரி, திருப்பத்தூர் மற்றும் வேலூர் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

சென்னை

சென்னையைப் பொறுத்தவரை வானம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 37-38 டிகிரி செல்சியஸ் மற்றும் குறைந்தபட்ச வெப்பநிலை 28 டிகிரி செல்சியஸ் அளவில் இருக்கக்கூடும்.

நேற்று

தமிழ்நாட்டில் நேற்று பல்வேறு இடங்களிலும் நல்ல மழை பெய்தது. அதிகபட்சமாக ஊத்தங்கரை (கிருஷ்ணகிரி) 120 மிமீ மழைப் பதிவானது. அதேபோல, திருப்புவனம் (சிவகங்கை) 100 மிமீ, நத்தம் (திண்டுக்கல்) 90 மிமீ சூளகிரி (கிருஷ்ணகிரி) மழைப் பதிவாகி உள்ளது. அதேபோல பாலக்கோடு (தருமபுரி), மாரண்டஹள்ளி (தருமபுரி), திருப்பூர் பொதுப்பணித்துறை (திருப்பூர்), நாகுடி (புதுக்கோட்டை), திருப்பத்தூர் (திருப்பத்தூர்) தலா 80 மிமீ மழைப் பதிவாகி உள்ளது.

மீனவர்கள்

இன்று தமிழக கடலோரப் பகுதிகள், மன்னார் வளைகுடா, குமரிக்கடல் பகுதி, இலட்சத்தீவு பகுதி மற்றும் அதனை ஒட்டிய தென்கிழக்கு அரபிக்கடல், கேரளா - கர்நாடக கடலோரப் பகுதிகள், தென்மேற்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும். வரும் நாட்களில் குமரிக்கடல் பகுதி, கேரளா - கர்நாடக கடலோரப் பகுதிகள், இலட்சத்தீவு பகுதி மற்றும் அதனை ஒட்டிய தென்கிழக்கு அரபிக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்திலும் வீசக்கூடும் என்பதால் மீனவர்கள் இப்பகுதிகளுக்குச் செல்ல வேண்டாமென்று அறிவுறுத்தப்படுகிறார்கள்.

English summary

Tamilnadu latest Weather Report today: (தமிழகத்தில் இன்று மழை பெய்ய வாய்ப்புள்ள மாவட்டங்கள் எவை) Many parts of Tamil Nadu might get decent rain today.