200 ஆண்டுகளில்.. ஜூலை மாதத்தில்.. சென்னையில் அதிக மழை பெய்த இரு நாட்கள் இவைதான்.. வெதர்மேன் ட்வீட்

சென்னை: கடந்த 200 ஆண்டுகளில் ஜூலை மாதத்தில் சென்னையில் அதிக மழை பெய்த இரு தினங்கள் குறித்து தமிழ்நாடு வெதர்மேன் பிரதீப் ஜான் ட்விட்டரில் தெரிவித்துள்ளார்.

தமிழகத்தில் வளிமண்டல மேலடுக்கு சுழற்சி மற்றும் தென்மேற்கு பருவக்காற்று காரணமாக ஆங்காங்கே மழை பெய்து வருகிறது. அந்த வகையில் சென்னையில் கடந்த 3 தினங்களாக மாலை நேரங்களில் தொடர்ந்து மழை பெய்து வருகிறது.

சென்னை மற்றும் புறநகர் பகுதிகளில் மழை பெய்ததால் சாலைகளில் தண்ணீர் தேங்கி வாகன ஓட்டிகள் அவதிப்படுகிறார்கள்.

வெதர்மேன்

இந்த நிலையில் இந்த மழை குறித்து தமிழ்நாடு வெதர்மேன் பிரதீப் ஜான் கூறுகையில் வங்கக் கடலில் ஒடிஸா கடலோரத்தில் புதிய காற்றழுத்த தாழ்வு பகுதி வரும் ஜூலை 20- 22 ஆம் தேதிக்குள் உருவாகும். இது உருவாகும் வரை சென்னை உள்ளிட்ட இடங்களில் மழை பெய்யும் என்றார்.

சென்னை

அது போல் அவர் இன்னொரு டிவீட்டில் சென்னையில் ஜூலை மாதத்தில் அதிக மழை பெய்த இரு நாட்கள் குறித்தும் பிரதீப் ஜான் விவரித்துள்ளார். அதில் அவர் கூறுகையில் 200 ஆண்டுகளில் ஜூலை மாதத்தில் 48 மணி நேரத்தில் சென்னையில் 17, 18 ஆகிய தேதிகளில் அதிக மழை பெய்துள்ளது.

எப்போது அதிக மழை

ஜூலை 17 ஆம் தேதி 60.5 மி.மீ. மழையும், 18 ஆம் தேதி 77.1 மி.மீ. மழையும் பெய்துள்ளது. இரு தினங்களில் அதாவது 48 மணி நேரத்தில் 137.6 மி.மீ. மழை பதிவாகியுள்ளது. சென்னையில் ஜூலை மாதத்தில் 24 மணி நேரத்தில் அதிக மழை பெய்த அளவில் முதலிடத்தில் 1910 ஆம் ஆண்டு ஜூலை 28 ஆம் தேதியாகும். இந்த தேதியில் 116.3 மி.மீ. மழை பெய்துள்ளது.

எந்தெந்த ஆண்டுகளில் மழை

அது போல் 26.07.1981 இல் 105.8 மி.மீ.மழையும், 29.7.2001-இல் 94.6 மி.மீ. மழையும், 10.7.2017-இல் 84 மி.மீ மழையும், 15.7.1995 -இல் 79.2 மி.மீ மழையும், 18.7.2021 -இல் 77.1 மி.மீ மழையும் 25.7.2001-இல் 74.5 மி.மீ மழையும் பெய்துள்ளது என தெரிவித்துள்ளார் வெதர்மேன்.

English summary

Tamilnadu weatherman Pradeep John says that Chennai's wettest day in July in 48 hours.