தமிழச்சியிடம் சொந்தமாக கார் கூட இல்லையாம்.. ஒரே ஒரு டிவிஎஸ் எக்ஸெல் மட்டுமே.. சொத்து விவரம்!

தென்சென்னை திமுக வேட்பாளர் தமிழச்சி தங்கபாண்டியன் சொத்து விவரம் வெளியிடப்பட்டுள்ளது.

சென்னை: தென் சென்னை தொகுதியின் திமுக வேட்பாளருக்கு சொந்தமாக ஒரு கார் கூட இல்லை என்பதும், ஒரு டூவீலர் மட்டும் இருப்பதும் தெரியவந்துள்ளது.

மக்களவைத் தேர்தலுக்கான திமுகவின் வேட்பாளர் தமிழச்சி தங்கபாண்டியன் தென்சென்னையில் போட்டியிடுகிறார். இதற்காக நேற்று மா.சுப்பிரமணியன், வாகை சந்திரசேகர் போன்றோருடன் சென்று வேட்பு மனுவை தாக்கல் செய்தார்.

அந்த வேட்பு மனுவில் இணைத்திருந்த பிரமாண பத்திரத்தில் தமிழச்சி தங்கபாண்டியனின் சொத்து விவரங்கள் தெரிவிக்கப்பட்டுள்ளது. அந்த விவரம் இப்போது வெளிவந்துள்ளது. அதில், மொத்தம் 5 பேங்குகளில் இவருக்கு 9 அக்கவுண்ட்கள் உள்ளன.

கணவர் சந்திரசேகர் பெயரிலும் பல்வேறு வங்கிகளில் ஏராளமான வங்கிக் கணக்குகள் இருக்கின்றன. அசையும் சொத்துகளின் மதிப்பு ரூ.1 கோடியே 14 லட்சத்து, 43,792 மற்றும் அசையா சொத்துக்களின் மதிப்பு ரூ.4,72,64,774 ஆகும். கணவரின் பெயரில் இருக்கும் அசையும் சொத்துக்களின் மதிப்பு ரூ.1,12,20,170 மற்றும் ரூ.1,84,04,855 மதிப்புள்ள அசையா சொத்துகளும் உள்ளன.

ஆனால் இவர் பெயரிலும் சரி, கணவர் பெயரிலும் சரி, ஒரு கார் கூட இல்லை. தமிழச்சி பெயரில் டிவிஎஸ் எக்ஸ்எல் சூப்பர் டூ வீலர் இருக்கிறது. கணவர் சந்திரசேகர் பெயரில் ஹோண்டா ஆக்டிவா மட்டுமே உள்ளதாம்.

English summary

Tamizhachi Thangapandian has filed the nomination papers as she is contesting in South Chennai constituency. And also her property details have been released now