வந்தாச்சு ரிசல்ட்..! TET ஆசிரியர் தகுதித் தேர்வு 2ஆம் தாள் முடிவுகள் வெளியானது.. பார்ப்பது எப்படி?
சென்னை : 6 முதல் 8ஆம் வகுப்பு வரையிலான ஆசிரியர் பணிக்கு நடத்தப்படும் ஆசிரியர் தகுதித் தேர்வான டெட் இரண்டாம் தாளின் தேர்வு முடிவுகள் இன்று வெளியிடப்பட்டுள்ளன.
அரசு மற்றும் அரசு உதவி பெறும் பள்ளிகளில் 6 முதல் 8ஆம் வகுப்பு வரை வகுப்பு எடுப்பதற்கான ஆசிரியர் பணியில் சேர்வதற்கு ஆசிரியர் தகுதித் தேர்வு 2 ஆம் தாளில் தேர்ச்சி பெற்றிருக்க வேண்டியது அவசியம். அந்த வகையில், பட்டதாரி ஆசிரியர்களாக பணிபுரிய நடத்தப்படும் தகுதித் தேர்வான டெட் தேர்வு இரண்டாம் தாளை எழுத 4 லட்சத்து 1886 பேர் பதிவு செய்திருந்தனர்.
கடந்த பிப்ரவரி 3ஆம் தேதி முதல் பிப்ரவரி 15ஆம் தேதி வரை கணினி வழியில் டெட் தேர்வுகள் காலை மற்றும் மாலை என இரு வேளைகளில் நடத்தப்பட்டன. தமிழ்நாடு ஆசிரியர் தகுதித் தேர்வு வாரியத்தினால் நடத்தப்பட்ட 2022 ஆம் ஆண்டிற்கான ஆசிரியர் தகுதித் தேர்வு இரண்டாம் தாளுக்கான முடிவுகள் தற்போது வெளியாகியுள்ளன.
டெட் தேர்வு இரண்டாம் தாள் முடிவுகளை https://trb.tn.nic.in/ மற்றும் https://www.trb.tn.gov.in/ என்ற இணைய முகவரியில் தேர்வர்கள் தெரிந்துகொள்ளலாம் என ஆசிரியர் தேர்வு வாரியம் அறிவித்துள்ளது.
Click it and Unblock the Notifications
Sign in with Google