TET Exam Result: ஆசிரியர் தகுதித் தேர்வு முடிவுகள் வெளியீடு.. பிப்ரவரி 2 முதல் சான்றிதழ் பெறலாம்

சென்னை: கடந்த நவம்பர் மாதம் நடைபெற்ற ஆசிரியர் தகுதித் தேர்வு தாள் ஒன்றுக்கான தேர்வு முடிவுகள் வெளியாகியுள்ளன. தகுதி பெற்ற தேர்வர்களுக்கு பிப்ரவரி 2 ஆம் தேதி முதல் அவர்களது தகுதிச் சான்றிதழ் (e-certificate) ஆசிரியர் தேர்வு வாரிய இணையதளத்தில் www.trb.tn.gov.in இல் பதிவிறக்கம் செய்து கொள்ளலாம் எனத் தெரிவிக்கப்பட்டுள்ளது.

பள்ளி கல்வித் துறையின் குறைக்கப்பட்ட மதிப்பெண் அடிப்படையில் தேர்வு முடிவுகள் வெளியிடப்பட்டுள்ளது. தகுதி பெற்ற தேர்வர்களுக்கு பிப்ரவரி 2 தேதி மாலை முதல் ஆசிரியர் தேர்வு வாரிய இணையதளத்தில் www.trb.tn.gov.in- தகுதி சான்றிதழ் பதிவிறக்கம் செய்து கொள்ளலாம்.

இதுகுறித்து, ஆசிரியர் தேர்வு வாரியத்தின் செய்திக் குறிப்பில் கூறப்பட்டுள்ளதாவது: 2025 ஆம் ஆண்டிற்கான ஆசிரியர் தகுதித் தேர்வுகள் தாள் ஒன்று நவம்பர் 15 அன்றும், தாள் - II 16.11.2025 அன்றும் நடத்தப்பட்டது. தற்காலிக உத்தேச விடைக்குறிப்புகள் (Tentative Key Answer) ஆசிரியர் தேர்வு வாரிய இணையதளத்தில் www.trb.tn.gov.in இல் நவம்பர் 25 ஆம் தேதியன்று Objection Tracker உடன் வெளியிடப்பட்டது.

தற்காலிக விடைக் குறிப்பிற்கு நவம்பர் 25 முதல் டிசம்பர் 3 ஆம் தேதி பிற்பகல் 5.00 மணி வரை தேர்வர்கள் இணையவழியில் தங்களது ஆட்சேபனைகளை (Objections) தெரிவிக்க வாய்ப்பு வழங்கப்பட்டது. அதன் அடிப்படையில் மேற்கொண்ட தேதிகளில் பெறப்பட்ட அனைத்து ஆட்சேபனைகளையும் பாடவாரியாக வல்லுநர்குழு அமைக்கப்பட்டு முழுமையாக ஆய்வு செய்யப்பட்டது. ஆய்வுக்குப்பின் பாட வல்லுநர்கள் குழுவால் இறுதி செய்யப்பட்ட விடைக்குறிப்புகளின் அடிப்படையில் தேர்வு எழுதிய தேர்வர்களது OMR விடைத்தாள் மதிப்பீடு செய்யப்பட்டன.

அரசாணை (நிலை) எண் 23 பள்ளிக் கல்வித் (TRB) துறை, நாள் 28.01.2026 ல் தெரிவிக்கப்பட்டுள்ள குறைந்தபட்ச தகுதி மதிப்பெண்கள் அடிப்படையில் தேர்வு முடிவுகள் வெளியிடப்பட்டுள்ளன. தகுதி பெற்ற தேர்வர்களுக்கு பிப்ரவரி 2 ஆம் தேதி முதல் அவர்களது தகுதிச் சான்றிதழ் (e-certificate) ஆசிரியர் தேர்வு வாரிய இணையதளத்தில் www.trb.tn.gov.in இல் பதிவிறக்கம் செய்து கொள்ளலாம் எனத் தெரிவிக்கப்பட்டுள்ளது.

English summary

The results for the Teacher Eligibility Test Paper I have been released. Qualified candidates can download their eligibility certificates from www.trb.tn.gov.in from February 2nd onwards.