அதிமுக- பாஜக இடையே உள்ள பிரச்சனை.. இந்தியா டுடே கணிப்பில் சொன்ன முக்கியமான விஷயம்

சென்னை: தமிழ்நாட்டில் 2026 சட்டமன்றத் தேர்தல் தேதி அறிவிக்க இன்னும் 10 மாதங்கள் மட்டுமே உள்ளன. இதனால் அடுத்த ஐந்து ஆண்டுகள் தமிழ்நாட்டை யார் ஆள்வது என்பதற்கான வியூகங்களை அரசியல் கட்சிகள் தீவிரமாக உருவாக்கி வருகின்றன.

அடுத்த ஆண்டு ஏப்ரல் அல்லது மே மாதங்களில் நடைபெறவுள்ள சட்டமன்றத் தேர்தலுக்கான அனைத்து கட்சிகளும் ஆயத்தமாகி வருகின்றன. 234 சட்டமன்றத் தொகுதிகளிலும் உள்ள பிரச்சனைகள், முக்கிய கோரிக்கைகள், மாவட்ட வாரியாக வலுவான தலைவர்கள் மற்றும் கட்சி அமைப்புகளின் முக்கிய புள்ளிகள் ஆகியவற்றை அரசியல் கட்சிகள் ஆய்வு செய்து வருகின்றன.

திமுக வெற்றி மற்றும் நம்பிக்கை

2019 முதல் வலுவான கூட்டணி அமைத்து போட்டியிட்டு வரும் திமுக கூட்டணி கடந்த 2019, 2021, 2024 தேர்தல்களில் மிகப்பெரிய வெற்றிகளைப் பெற்றுள்ளது. திமுக மகளிர் உரிமைத் தொகை, கட்டணமில்லா பேருந்து, அரசுப் பள்ளி மற்றும் கல்லூரி மாணவர்களுக்கு உதவித் தொகை போன்ற பல திட்டங்களைக் கைகொடுத்து மக்களின் நம்பிக்கையைப் பெற்றுள்ளது.

எதிர்க்கட்சிகளின் பிரச்சனைகள்

எதிர்க்கட்சிகளான அதிமுக-பாஜக கூட்டணியில் சரியான ஒருங்கிணைப்பு இல்லை. அதிமுக-பாஜக இடையேயும் பிரச்சனைகள் உள்ளன. தமிழ்நாடு வெற்றிக்கழகம் கட்சி தனியாகக் களம் காண்பதும், சீமானும் ஓட்டுகளைப் பிரிக்கும் வாய்ப்பு இருப்பதும் எதிர்க்கட்சிகளுக்குப் பாதகமாக உள்ளது.

ஒற்றுமை பற்றிய கேள்விகள்

அதிமுக-பாஜக கூட்டணி அதிகாரப்பூர்வமாக அறிவிக்கப்பட்டும், தொண்டர்களிடையே சமூக வலைதளங்களில் குற்றச்சாட்டுகள் தொடர்கின்றன. இதனால் கூட்டணியில் ஒற்றுமை உணர்வு குறைவாக உள்ளது.

அரசியல் நிபுணர்களின் கருத்து

இந்தியா டுடே வார இதழ் கணிப்பில், அதிமுக-பாஜக கூட்டணியில் ஒருங்கிணைப்பு இல்லாததால், திமுக முன்னிலையில் உள்ளது. இதுதான் தமிழக அரசியல் நிலவரம். நடிகர் விஜயின் கட்சி இளைஞர்களை ஈர்த்தாலும், வாக்குகளாக மாறுமா என்பது தெளிவாகத் தெரியவில்லை. அரசியல் நிபுணர்கள் கூறுவது, அதிமுக-பாஜக கூட்டணி ஒருங்கிணைந்து, வார் ரூம் பிரச்சினைகளை (அண்ணாமலை உருவாக்கியது) கடந்து, திமுகவை எதிர்த்துச் செயல்பட்டால் மட்டுமே தொண்டர்களிடையே நம்பிக்கை உருவாகும்.

English summary

With just 10 months until the Tamil Nadu assembly election date is announced, alliances are shifting. DMK leads a strong front, while AIADMK and BJP face internal issues. Seeman’s NTK and Vijay’s TVK add complexity. India Today highlights rifts in the AIADMK-BJP alliance.