அப்பாடா.. 6 நாட்களாக மாறாத பெட்ரோல், டீசல் விலை.. சென்னையில் இன்றைய விலை நிலவரம் இதுதான்!

சென்னை: சென்னையில் இன்று பெட்ரோல் லிட்டருக்கு 83.63 ரூபாய், டீசல் லிட்டருக்கு 77.72 ரூபாய் என விலை நிர்ணயம் செய்யப்பட்டுள்ளது.

கடந்த மாதம், 7ம் தேதி முதல், பெட்ரோல், டீசல் விலையை உயர்த்தி வருகின்றன, பொதுத்துறை எண்ணெய் நிறுவனங்கள். அன்று, தமிழகத்தில், ஒரு லிட்டர் பெட்ரோல், 76.07 ரூபாய்க்கும், டீசல், 68.74 ரூபாய்க்கும் விற்பனையானது. அதை தொடர்ந்து, பெட்ரோல், டீசல் விலை லிட்டருக்கு, தினமும், உயர்த்தப்பட்டு வந்ததால், இன்று, பெட்ரோல் லிட்டருக்கு 83.63 ரூபாய், டீசல் லிட்டருக்கு 77.72 ரூபாய் என்ற அளவுக்கு வந்துள்ளது.

அதேநேரம், சென்னையில் கடந்த ஜூன் 29ம் தேதி முதல், பெட்ரோல் டீசல், விலையில் மாற்றமில்லை. அன்று ஒரு லிட்டர் பெட்ரோல், 83.63 ரூபாய்க்கு விற்பனையானது. டீசல் லிட்டர், 77.72 ரூபாய்க்கு விற்பனையானது. அதே நிலைமையில்தான் தற்போதும் உள்ளது. அதாவது கடந்த 5 நாட்களாக பெட்ரோல், டீசல் விலையில் மாற்றம் செய்யப்படாத நிலையில் உள்ளது. 6வது நாளாக இன்றும், விலையில் மாற்றமில்லை.

English summary

The price of petrol in Chennai today was Rs 83.63 per liter and diesel Rs 77.72 per liter.