கலக்கபோவது யாரு சாம்பியன் பிரபல காமெடியன் வீட்டில் திருட்டு.. சென்னை வடபழனியில் பரபரப்பு

சென்னை: கலக்க போவது யாரு நிகழ்ச்சியின் வெற்றியாளரும் நடிகருமான ஜெயச்சந்திரன் வீட்டில் திருட்டுச் சம்பவம் நடந்துள்ளது.

சென்னை வடபழனியை சேர்ந்தவர் ஜெயசந்திரன். இவர் நகைச்சுவை நடிகர். இவர் விஜய் டிவியில் ஒளிபரப்பான கலக்க போவது யாரு நிகழ்ச்சி, சன் டிவியில் ஒளிபரப்பான காமெடி ஜங்ஷன் உள்ளிட்ட நிகழ்ச்சிகளில் கலந்து கொண்டுள்ளார்.

இவர் கலக்க போவது யாரு போட்டியின் வெற்றியாளரும் கூட! இவர் 15 ஆண்டுகளாக பல்வேறு மேடைகளில் நடித்து வருகிறார். மேடை நாடகங்களை எழுதியுள்ளார். இவர் பல்வேறு மாணவர்களுக்கும், இளைஞர்களுக்கும் குழந்தைகளுக்கும், பெண்களுக்கும் பயிற்சியும் அளித்துள்ளார்.

இவர் சென்னையை சேர்ந்தவர். இவர் கிராமத்தில் ஒரு நாள், அது இது எது போன்ற நிகழ்ச்சிகளில் கலந்து கொண்டுள்ளார். நெருங்கி வா முத்தமிடாதே என்ற படத்தில் நடித்துள்ளார். நடிகை பியா பாஜ்பாயுடன் நடித்திருந்தார். அந்த படம் 2014 இல் வெளியானது. லட்சுமி ராமகிருஷ்ணன் இயக்கிய படம் அது. அதன் பிறகு ஆத்யன் மற்றும் வெருளி ஆகிய படங்களில் நடிக்க ஒப்பந்தமாகியுள்ளார். இவர் ஆதவனுடன் நிறைய நிகழ்ச்சிகளில் கலந்து கொண்டுள்ளார்.

இவரது வீட்டில் நேற்று இரவு 1.5 லட்சம் மதிப்புள்ள லேப்டாப் மற்றும் மொபைல் போன்களை மர்ம நபர்கள் திருடி சென்றுள்ளனர். இதுகுறித்து ஜெயசந்திரன் அளித்த புகாரின் பேரில் வடபழனி போலீஸார் விசாரணை நடத்தி வருகிறார்கள்.

English summary

Laptop and Mobile theft at Kalakka Povathu yaaru champion Jayachandran's house.