பெயரை கேட்டாலே சும்மா அதிருதே.. கமல் ஹாசன் Thug Life வீடியோ பார்த்தீங்களா.. வெடித்த சர்ச்சை

சென்னை: தக் ஃலைப் (Thug Life) என்ற பெயரில் நடிகர் கமல்ஹாசன் புதிய படத்தில் நடித்து வருகிறார்.இந்த படத்தில் நாயக்கர் என்று சாதியை குறிப்பிடும் பெயரை கமல்ஹாசன் வைத்திருப்பதற்கு கடும் எதிர்ப்பு கிளம்பி உள்ளது. தேவர் மகன் படத்திற்கு பிறகு சாதி பெயரை குறிப்பிடும் பெயர்களை கமல்ஹாசன் வைத்தால் எதிர்ப்புகள் எழுந்து வருவது தொடர் கதையாக உள்ளது.

மணிரத்னம் இயக்கத்தில் உலக நாயகன் கமல் ஹாசன் நடிப்பில் உருவாகும் படம் "Thug life." இந்தப் படத்தில் துல்கர் சல்மான், ஜெயம் ரவி, த்ரிஷா உள்ளிட்டோரும் நடிக்கிறார்கள். ஏஆர் ரகுமான் இந்த படத்திற்கு இசையமைக்கிறார். நேற்று தக் ஃலைப் படத்தின் அறிமுக வீடியோ வெளியாகியது. அந்த வீடியோவில் கமல்ஹாசனின் பெயர் ரங்கராய சக்திவேல் நாயக்கர் என்று உள்ளது. அதாவது கமல்ஹாசனின் பெயர் தக் ஃலைப் படத்தில் சக்திவேல் நாயக்கர் என்று உள்ளது.

முற்போக்குவாதியான கமல்ஹாசன் சாதிகளை உயர்த்தி படம் எடுப்பது இல்லை. இருந்த போதிலும், தேவர் மகன் படத்தில் சாதிப் பெயர் இருந்தது. அந்த படத்திற்கு பின் கமல்ஹாசன் சாதிப்பெயர் வைத்தோ, அல்லது சாதியை வைத்தோ குறிப்பிட்டு படம் எடுத்தால் கடும் எதிர்ப்பு எழுந்து வருகிறது. கமல்ஹாசன் மட்டுமல்ல, தமிழ்நாட்டின் சாதியின் பெயரை எந்த படத்திலும் ஹீரோக்களுக்கு வைக்கப்படுவது இல்லை.

அதையும் மீறி சாதிய பெருமையை தூக்கிப்பிடிப்பது போன்ற வசனங்கள், காட்சிகள் இருந்தால் அவற்றை நீக்கினால் தான் படம் வெளியாகும் என்ற நிலை இப்போது உள்ளது. கமல்ஹாசன் விரும்மாண்டி படம் எடுத்த போது அதற்கு சண்டியரே என்று தான் முதலில் பெயர் வைத்தார். அதற்கு கடும் எதிர்ப்பு எழுந்த காரணத்தால் விரும்மாண்டி என்று பெயரை மாற்றினார். அதன் முழு பெயர் அனைவருக்கும் தெரியும். ஆனால் அதில் சாதிப்பெயர் வைக்கப்படவில்லை.

தேவரின மக்களை சீர்திருத்த அன்று சக்திவேல் தேவர். நாயக்கர் மக்களை நல்வழிப்படுத்த இன்று சக்திவேல் நாயக்கர்.

அந்த ரங்கராஜ ...?

இவங்களை உண்மையாவே யாரு திருத்தி வழிநடத்துறாங்கன்னு நாட்டுக்கு சொல்லணும்ல.

ஆண்டாண்டு காலமா ஒடுக்கப்பட்டு வர்ற மக்களோட கதைய படமா எடுத்துட்ருக்க இப்போதைய…

— Nelson Xavier (@nelsonvijay08) November 6, 2023

தேவர்மகன் படத்தில் சக்தி வேல் தேவராக கமல் ஹாசன் நடித்திருந்தார். இந்நிலையில் தக் ஃலைப் படத்தில் சக்திவேல் நாயக்கராக நடித்துள்ளார். சக்தி வேலுக்கு பின்னர் உள்ள நாயக்கர் என்று சாதிய பெயருக்கு தான் எதிர்ப்பு எழுந்தள்ளது. பலரும் கமல் ஹாசனை விமர்சித்து கருத்துக்களை தெரிவித்துள்ளார்கள்.

மூத்த பத்திரிக்கையாளர் நெல்சன் சேவியர் வெளியிட்டுள்ள பதிவில்,"தேவரின மக்களை சீர்திருத்த அன்று சக்திவேல் தேவர். நாயக்கர் மக்களை நல்வழிப்படுத்த இன்று சக்திவேல் நாயக்கர். அந்த ரங்கராஜ ...? இவங்களை உண்மையாவே யாரு திருத்தி வழி நடத்துறாங்கன்னு நாட்டுக்கு சொல்லணும்ல. ஆண்டாண்டு காலமாக ஒடுக்கப்பட்டு வர்ற மக்களோட கதைய படமா எடுத்துட்ருக்க இப்போதைய இளம் இயக்குநர்கள் ஒருத்தர் கூட அம்மக்களுக்கான நீதிக்காக கூட சாதி பேரை படத்துல வைக்கல. நீங்க சொன்ன மாதிரி புள்ள குட்டிங்க படிச்சி மேல வந்துட்டாங்க சார்... ... ..." என்று கூறியுள்ளார்.

முத்து என்பவர் வெளியிட்டுள்ள பதிவில், சாதி தான் என் முதல் எதிரி என்று நேற்று தான் கூறினார். இன்று சக்திவேல் நாயக்கர் என்று படத்தில் கேரக்டருக்கு பெயர் வைத்துள்ளார். விவின் பிரசாத் என்பவர் வெளியிட்டுள்ள பதிவில், சக்திவேல் நாயக்கர் To சக்திவேல் தேவர் To சக்திவேல் கவுண்டர் To சக்திவேல் நாயக்கர் என்று சாதிப்பெயர்கள் தொடர்பாக கூறியுள்ளார்.

English summary

Actor Kamal Haasan is acting in a new film called Thug Life. In this film, Kamal Haasan movie cast name sakthivel Nayakar.