தமிழிசை தலைமையில் தேர்தல் அறிக்கை தயாரிப்பு குழு அமைத்த பாஜக.. கவர்ச்சிகர அறிவிப்புக்கு சான்ஸ்

சென்னை: தமிழக சட்டமன்ற தேர்தலை முன்னிட்டு பாஜக இன்று தேர்தல் அறிக்கை தயாரிக்க குழு அமைத்துள்ளது. தமிழிசை சவுந்தரராஜன் தலைமையில் 12 பேர் இந்தக் குழுவில் இடம் பெற்றுள்ளனர். பல்வேறு கவர்ச்சிகர அறிவிப்புகள் பாஜகவின் தேர்தல் அறிக்கையில் இடம் பெறும் என எதிர்பார்க்கப்படுகிறது.

தமிழகத்தில் வருகிற ஏப்ரல், மே மாதங்களில் சட்டமன்ற தேர்தல் நடைபெற உள்ளது. இந்த தேர்தலை எதிர்கொள்ள அரசியல் கட்சிகள் ஆயத்தமாகி வருகின்றன. ஒவ்வொரு தேர்தலுக்கு முன்பாகவும் திமுக, அதிமுக உள்ளிட்ட கட்சிகளின் சார்பில் தேர்தல் அறிக்கை வெளியிடப்படும்.

இந்த தேர்தல் அறிக்கையில், பொது மக்களை கவரும் வகையில் பல்வேறு முக்கிய அம்சங்கள் இடம் பெறுவது வழக்கம். அந்த வகையில் கனிமொழி தலைமையில் திமுக தேர்தல் அறிக்கை தயாரிப்புக்குழு அமைத்துள்ளது. அதேபோல, அதிமுகவும் தேர்தல் அறிக்கை தயாரிக்க குழுவை அமைத்துள்ளது.

அதிமுக பொதுச்செயலாளர் எடப்பாடி பழனிசாமி முன் கூட்டியே முதல் கட்ட தேர்தல் வாக்குறுதிகளை நேற்று அதிரடியாக வெளியிட்டார். எடப்பாடி பழனிசாமி வெளியிட்ட தேர்தல் வாக்குறுதிகளில் முக்கிய அம்சமாக ஒவ்வொரு மாதமும் ரேஷன் அட்டைதாரர்களுக்கு ரூ.2 ஆயிரம் வழங்கப்படும் என்றும் இந்த தொகை குடும்ப தலைவிகளின் வங்கி கணக்குகளில் செலுத்தப்படும் என்றும் அறிவித்தார்.

இது போக ஆண்களுக்கும் மாநகர பேருந்துகளில் இலவச பயணம் என்பது போன்ற கவர்ச்சிகர அறிவிப்பை வெளியிட்டார். இந்த நிலையில், அதிமுக கூட்டணியில் அங்கம் வகிக்கும் பாஜகவும் இன்று தேர்தல் அறிக்கை தயாரிக்க குழு அமைத்துள்ளது. தமிழிசை சவுந்தரராஜன் தலைமையில் 12 பேர் இந்தக் குழுவில் இடம் பெற்றுள்ளனர். பல்வேறு கவர்ச்சிகர அறிவிப்புகள் பாஜகவின் தேர்தல் அறிக்கையில் இடம் பெறும் என எதிர்பார்க்கப்படுகிறது.

இது தொடர்பாக பாஜக வெளியிட்டுள்ள அறிவிப்பில் கூறப்பட்டிருப்பதாவது:-
தமிழக பாரதிய ஜனதா கட்சியின் சார்பில் வருகின்ற 2026 சட்டமன்ற தேர்தலுக்கான தேர்தல் அறிக்கை தயாரிப்பு குழுவானது முன்னாள் மாநிலத் தலைவரும், தேசிய பொதுக்குழு உறுப்பினருமான திருமதி. Dr.தமிழிசை சவுந்தரராஜன் தலைமையில் அமைக்கப்படுகிறது. 12 பேர் குழுவில் இடம்பெற்றவர்கள் பெயர் விவரம் வருமாறு:-

1. VP துரைசாமி ExMP
2. Dr.K.P.இராமலிங்கம் EXMP
3. Dr.P.கனகசபாபதி
4. Plot இராம ஸ்ரீநிவாசன்
5. திருமதி கார்த்தியாயினி ExMayor
6. திரு.நரசிம்மன் ExMP
7. KS இராதாகிருஷ்ணன்
8. ANS பிரசாத்
9. R.அர்ஜுனமூர்த்தி
10. திருமதி ராஜலட்சுமி
11. R.ரவிச்சந்திரன்
12. R.ஆதித்யா சேதுபதி

English summary

Ahead of the Tamil Nadu Assembly elections, the BJP has today formed a committee to draft its election manifesto. The committee comprises 12 members, headed by Tamilisai Soundararajan. Various attractive announcements are expected to be included in the BJP's election manifesto.