கருணாநிதி நினைவிடத்தை திறந்து வைத்தார் முதல்வர் ஸ்டாலின்.. ரஜினி உள்ளிட்டோர் நிகழ்ச்சியில் பங்கேற்பு

சென்னை: தமிழ்நாடு முன்னாள் முதல்வர் கருணாநிதி நினைவிடம் மற்றும் முன்னாள் முதல்வர் பேரறிஞர் அண்ணாவின் புதுப்பிக்கப்பட்ட நினைவிடத்தையும் முதல்வர் மு.க ஸ்டாலின் இன்று திறந்து வைத்தார். தொடர்ந்து கருணாநிதி நினைவிடத்தில் மலர் வளையம் வைத்து முதல்வர் ஸ்டாலின் மரியாதை செலுத்தினார்.

தமிழ்நாடு முன்னாள் முதலமைச்சரும் திமுக முன்னாள் தலைவருமான கருணாநிதி கடந்த 2018 ஆம் ஆண்டு ஆகஸ்டு 7 ஆம் தேதி சென்னையில் தனது 94 வது வயதில் காலமானார். அவரது உடல் சென்னை மெரினா கடற்கரை அருகே உள்ள முன்னாள் முதலமைச்சர் பேரறிஞர் அண்ணாவின் நினைவிடம் அருகே அடக்கம் செய்யப்பட்டது. திமுக ஆட்சிக்கு வந்த பின்னர் அந்த இடத்திலேயே கருணாநிதிக்கு நினைவிடம் கட்டும் பணி தொடங்கப்பட்டு தற்போது நிறைவடைந்து இருக்கிறது.

அத்துடன் பேரறிஞர் அண்ணாவின் நினைவிடமும் புதுப்பிக்கப்பட்டது. இந்த நிலையில் இன்று கருணாநிதி நினைவிடம் மற்றும் பேரறிஞர் அண்ணாவின் புதுப்பிக்கப்பட்ட நினைவிடத்தை முதலமைச்சர் முக ஸ்டாலின் திறந்து வைத்தார். முன்னதாக திறப்பு விழாவை முன்னிட்டு பலத்த போலீஸ் பாதுகாப்பு போடப்பட்டு இருந்தது.

பேரறிஞர் அண்ணா, கருணாநிதி ஆகியோரின் இரண்டு நினைவிடங்களும் 8.57 ஏக்கர் நிலப்பரப்பில் அமைந்துள்ளன. சென்னைக் கடற்கரை - காமராசர் சாலையில் அமைந்துள்ள இந்த நினைவிடங்களின் முகப்பு வாயிலில் பேரறிஞர் அண்ணா நினைவிடம் - முத்தமிழறிஞர் கலைஞர் நினைவிடம் எனும் பெயர்கள் பொறிக்கப்பட்டுள்ளன.

நுழைவு வாயிலைக் கடந்து உள்ளே சென்றால் எதிரில் அமர்ந்து படிப்பது போன்ற தோற்றத்தில் பேரறிஞர் அண்ணா அவர்களின் சிலை; வலபுறம் இளங்கோவடிகள், இடப்புறம் கம்பர் சிலைகள் அமைந்து நம்மை மகிழ்விக்கின்றன என தமிழ்நாடு அரசு வெளியிட்ட செய்திக் குறிப்பில் குறிப்பிடப்பட்டு உள்ளது.

இந்த நிலையில் மாலை 7.30 மணியளவில் அண்ணா நினைவிடத்தை முதல்வர் ஸ்டாலின் திறந்து வைத்தார். தொடர்ந்து அண்ணாவின் திரு உருவ சிலைக்கு மாலை அணிவித்து மரியாதை செலுத்தினார். இதனை தொடர்ந்து சென்னை மெரினாவில் 8.45 ஏக்கரில் ரூ.39 கோடியில் அமைக்கப்பட்ட கருணாநிதி நினைவிடத்தை முதல்வர் ஸ்டாலின் திறந்து வைத்தார். தொடர்ந்து கலைஞர் நினைவிடத்தில் மலர் வளையம் வைத்து முதல்வர் ஸ்டாலின் மரியாதை செலுத்தினார்.

இதன் பின்னர் கருணாநிதி நினைவிட அருங்காட்சியகத்தையும் முதல்வர் ஸ்டாலின் திறந்து வைத்தார். இதனை தொடர்ந்து கலைஞர் நினைவிட ஒப்பந்ததாரர்கள், பணியாளர்களை முதல்வர் ஸ்டாலின் கவுரவித்தார். முன்னதாக திறப்பு விழாவிற்கு வருகை தந்த கூட்டணி கட்சி தலைவர்களை ஸ்டாலின் வரவேற்றார். இதேபோல் சென்னை மெரினாவில் அண்ணா, கருணாநிதி நினைவிட திறப்பு விழாவில் கூட்டணி கட்சி தலைவர்களும் பங்கேற்றனர். திமுக கூட்டணி கட்சி தலைவர்கள் வைகோ, திருமாவளவன், முத்தரசன், கி வீரமணி பங்கேற்றனர். இதேபோல் விழாவில் நடிகர் ரஜினிகாந்த், வைரமுத்து உள்பட பலர் பங்கேற்றனர்.

முன்னதாக தமிழக அரசு வெளியிட்ட அந்த செய்திக் குறிப்பில், "நினை­வி­டங்­க­ளின் முன்­ப­குதி இரு­பு­றங்­களிலும் பழ­மை­யான புல் வெளி­கள் அமைந்­துள்ளன. இடப்­பு­றத்­தில் 'அண்ணா அருங்­காட்­சி­யகம்' அமைந்­துள்­ளது. பேர­றி­ஞர் அண்ணா சதுக்­கம் அமைந்­துள்ள பகு­தி­யைச் சுற்றி அமைந்த மண்­ட­பங்­கள் வெண்மை நிறத்­தில் பளிச்­சி­டு­கின்­றன. "எதை­யும் தாங்­கும் இத­யம் இங்கே உறங்­கு­கி­றது" எனப் பொறிக்­கப்­பட்­டுள்ள, பேர­றி­ஞர் அண்ணா அவர்­கள் துயில்­கொள்­ளும் சதுக்­கத்­தைக் கடந்து சென்­றால், முத்­த­மி­ழ­றி­ஞர் கலை­ஞர் அவர்­கள் அமர்ந்து எழு­தும் வடி­வி­லான சிலை­யைக் காண­லாம். சிலை­யைக் கடந்து சென்­றால் எதிரே அமைந்­துள்ள முத்­த­மி­ழ­றி­ஞர் கலை­ஞர் அவர்­கள் நினை­வி­டம், நம் நெஞ்சை ஒரு கணம் அமைதி கொள்­ளச் செய்­கி­றது.

நினை­வி­டத்­தில், "ஓய்­வெ­டுத்­துக் கொள்­ளா­மல் உழைத்­த­வர், இங்கே ஓய்வு கொண்­டி­ருக்­கி­றார்" எனும் தொடர் முத்­த­மி­ழ­றி­ஞர் கலை­ஞர் அவர்­க­ளின் எண்­ணப்­ப­டியே பொறிக்­கப்­பட்­டுள்­ளது. கலை­ஞர் நினை­வி­டத்­தின் முன்னே இரு­பு­ற­மும், தமிழ் செம்­மொழி என ஒன்­றிய அரசு ஏற்ற முடி­வைத் தெரி­வித்­துப் பாராட்டி, காங்­கி­ரஸ் தலை­வர் திரு­மதி சோனியா காந்தி அவர்­கள், முத்­த­மி­ழ­றி­ஞர் கலை­ஞர் அவர்­க­ளுக்கு 8-11-2005 அன்று எழு­திய கடி­தம் ஆங்­கி­லத்­தி­லும், தமி­ழி­லும் புத்­தக வடி­வில் அமைக்­கப்பட்­டுள்­ளன.

நினை­வி­டத்­தின் பின்­பு­றம் முத்­த­மி­ழ­றி­ஞர் கலை­ஞர் அவர்­க­ளின் புன்­னகை பூத்த முகம் பொன்­னி­றத்­தில் மிளிர்­வ­து­டன் சுற்­றி­லும் மின்­வி­ளக்­கு­கள் விண்­மீன்­க­ளாக ஒளிர்­கின்­றன. முத்­த­மி­ழ­றி­ஞர் கலை­ஞர் அவர்­க­ளின் நினை­வி­டத்­தின் கீழே நில­வ­றைப் பகு­தி­யில், "கலை­ஞர் உல­கம்" எனும் பெய­ரில் ஓர் அரு­மை­யான அருங்­காட்­சி­ய­கம் அமைக்­கப்­பட்­டுள்­ளது. 'கலை­ஞர் உல­கம்' பகு­தி­யில் இடப்­பு­றம் சென்­றால், நடை­பா­தை­யின் வலப்­பு­றத்­தில், கலை­ஞர் நிர்­மா­ணித்த திரு­வள்­ளு­வர் சிலை, குடிசை மாற்­று­வா­ரி­யம் முத­லி­யவை படங்­க­ளாக அமைக்­கப்­பட்டு விளக்­கொ­ளி­யு­டன் மிளிர்­கின்­றன.

உள்ளே வலப்­பக்­கம் திரும்­பி­னால், இடப்­பக்­கச் சுவ­ரில் தமிழ்த்­தாய் வாழ்த்து பொறிக்­கப் பட்­டுள்­ளது. அதன் கீழ்ப்­பு­றம், 'தமிழ்த்­தாய் வாழ்த்து அரசு நிகழ்ச்­சி­க­ளில் பாடப்­பட வேண்­டும்' என முத்­த­மி­ழ­றி­ஞர் கலை­ஞர் அவர்­கள் 23-.11.-1970 அன்று பிறப்­பித்த அர­சா­ணை­யும், 'தமிழ்த் தாய் வாழ்த்து மாநி­லப் பாடல்' என தமிழ்­நாடு முத­ல­மைச்­சர் மு.க.ஸ்டாலின் அவர்­கள் 17-.12.-2021 அன்று பிறப்­பித்த அர­சா­ணை­யும், அவர்­க­ளின் படங்­க­ளு­டன் இடம் பெற்று நம்மை மகிழ்­விக்­கின்­றன.

அரு­கில், 'கலை­ஞ­ரின் எழி­லோ­வி­யங்­கள்' எனும் அறை - அதில், கலை­ஞ­ரின் இள­மைக் காலம் முதல், அவர் வர­லாற்­றில் இடம் பெற்ற நிகழ்­வு­கள், கலை­ஞ­ரின் படைப்­பு­கள், அவர் சந்­தித்த போராட்­டங்­கள், நிறை­வேற்­றிய பல்­வேறு திட்­டங்­கள் தொடர்­பான புகைப் படங்­கள் அமைந்து நமக்கு மலைப்­பைத் தரு­கின்­றன.

அடுத்து "உரி­மைப் போராளி கலை­ஞர்" எனும் தலைப்­பைக் கொண்ட அறை­யில் நுழைந்­தால் - தேசி­யக் கொடியை மாநில முதல்­வர்­கள் ஏற்­றிட உரிமை பெற்­றுத் தந்த கலை­ஞ­ரின் வெற்­றி­யைக் குறிக்­கும் வகை­யில், 'சென்­னைக் கோட்­டை­யில் முதன் முதல் தேசி­யக் கொடியை ஏற்றி வைத்து கலை­ஞர் உரை­யாற்­றும் காட்சி' அமைப்­பு­டன் பின்­பு­றம், தலை­மைச் செய­ல­கத்­தின் முகப்­புத் தோற்­றம் அமைந்து நம்மை வர­வேற்­கி­றது.

அடுத்து, கோபா­ல­பு­ரம் இல்­லத்­தில் கலை­ஞர் அமர்ந்­தி­ருக்­கும் தோற்­றம் அரு­கில் நின்று புகைப்­ப­டம் எடுக்­க­லாம். சில நிமி­டங்­க­ளில் புகைப்­ப­டம் நமக்­கும் கிடைக்­கும் வசதி அமைக்­கப்­பட்­டுள்­ளது. வலப்­பு­றத்­தில் முத்­த­மி­ழ­றி­ஞர் கலை­ஞர் அவர்­கள் மெழு­குச் சிலை­யாக நின்று நம்மை மகிழ வைக்­கி­றார். கலை­ஞர் படைப்­பு­கள் - நெஞ்­சுக்கு நீதி, குற­ளோ­வி­யம் தென்­பாண்­டிச் சிங்­கம் முத­லான 8 நூல்­க­ளின் பெயர்­கள் காணப்­ப­டும். அவை ஒவ்­வொன்­றின் மீதும் நாம் கை வைத்­தால், அந்த நூல் பற்­றிய விளக்­கம் வீடி­யோ­வா­கத் தோன்றி நமக்கு அவற்றை எடுத்து உரைக்­கும்.

அடுத்து, "அர­சி­யல் கலை அறி­ஞர் கலை­ஞர்" எனும் அறைக்­குள் செல்­ல­லாம். எதிரே கலை­ஞ­ரின் பெரிய நிழற்­ப­டம். வலப்­பக்­கம் இருக்­கை­கள் அமைக்­கப்­பட்டு, அவற்­றின் எதி­ரில் வெள்­ளித்­திரை: அதில், ஏறத்­தாழ 20 நிமி­டங்­கள் கலை­ஞர் அவர்­க­ளின் பிறப்பு முதல் இறுதி நாள் வரை­யான முக்­கிய வர­லாற்று நிகழ்­வு­கள்; அரு­மை­யான படக் காட்­சி­க­ளாக, 'கலை­யும் அர­சி­ய­லும்' எனும் தலைப்­பில் நம்­முன் தோன்றி நம்மை வியக்க வைக்­கும் .

அடுத்த அறை­யில், "சரித்­திர நாய­க­னின் சாத­னைப் பய­ணம்" தலைப்­பு­டை­யது. அதில் நுழைந்­தால் திரு­வா­ரூர் முதல் சென்னை வரை ரயி­லில் பய­ணிப்­பது போன்ற உணர்வை நமக்கு ஏற்­ப­டுத்­தும். நாம் அமர்ந்த நிலை­யில், தஞ்சை, திருச்சி, மதுரை, நெல்லை, சேலம் ரயில் நிலை­யங்­க­ளைக் கடந்து சென்­னையை அடை­ய­லாம். அந்­தந்த ஊர்­க­ளில் கலை­ஞர் வாழ்­வோடு தொடர்­பு­டைய நிகழ்­வு­கள் காட்­சி­க­ளா­கத் தோன்­றும்.

வழி­யில் யானை­யொன்று நாம் பய­ணிக்­கும் ரயில் பாதையை மறித்து நின்று நமக்கு வணக்­கம் செலுத்தி, வாழ்த்­து­வது நம்மை மெய் சிலிர்க்க வைத்­தி­டும். அறை­க­ளுக்கு வெளியே அமைந்­துள்ள நடை­யில் இரு­பு­றங்­க­ளி­லும், பெண்­ணி­யக் காவ­லர், ஏழைப் பங்­கா­ளர், நவீன தமிழ் நாட்­டின் சிற்பி, உல­க­ளா­விய ஆளு­மை­க­ளு­டன் கலை­ஞர் முத­லான தலைப்­பு­க­ளில் அமைந்த அரிய புகைப்­ப­டங்­கள் அழ­குற அமைக்­கப்­பட்­டுள்­ளன. அப்­ப­கு­தி­யில் 5 தொலைக்­காட்­சிப் பெட்­டி­கள் அமைக்­கப்­பட்­டுள்­ளன. அவற்­றில் முத்­த­மி­ழ­றி­ஞர் கலை­ஞர் அவர்­கள் ஆட்­சி­யில் தொடங்கி வைக்­கப்­பட்ட பல்­வேறு திட்­டங்­க­ளின் தொடக்க விழா நிகழ்ச்­சி­கள் ஒளி­ப­ரப்­பப்­ப­டு­கின்­றன.

நேர் எதிரே- முத்­த­மி­ழ­றி­ஞர் கலை­ஞர் அவர்­கள் முத­ல­மைச்­சர் மு.க.ஸ்டாலின் அவர்­க­ளு­டன் தோன்­றும் அரு­மை­யான புகைப்­ப­டம் பெரிய அள­வில் அமைந்து, "மகன் தந்­தைக்கு ஆற்­றும் உதவி" எனும் குறள் தொட­ரைத் தலைப்­பா­கக் கொண்­டுள்­ளது. இப்­ப­கு­தி­யின் இறு­தி­யில் காந்­த­வி­சை­யைப் பயன்­ப­டுத்தி அமர்ந்த நிலை­யில் முத்­த­மி­ழ­றி­ஞர் கலை­ஞர் அந்­த­ரத்­தில் மிதக்­கும் காட்சி, நம்மை அற்­புத உல­கிற்கு அழைத்­துச் செல்­லும். நடை பாதையை விட்டு, வெளியே வந்­தால், நேர் எதிரே கலை­ஞர் புத்­தக விற்­பனை நிலை­யம் அமைந்­துள்­ளது. அங்கே, கலை­ஞர் எழு­திய நூல்­கள் அனைத்­தும் விற்­ப­னைக்கு வைக்­கப்­பட்­டுள்­ளன.

இவற்­றை­யெல்­லாம் கண்டு வெளியே வர முனைந்­தால் வழி­யில் வலப்­பு­றச் சுவர்­க­ளில் - தமி­ழர்­க­ளின் கலாச்­சார மையம். வள்­ளு­வர் கோட்­டம், பாம்­பன் பாலம், ராஜீவ் காந்தி அரசு பொது மருத்­து­வ­மனை முகப்­புக் கட்­ட­டம், மெட்ரோ ரயில், அண்ணா நூற்­றாண்டு நூல­கம் ஆகிய முத்­த­மி­ழ­றி­ஞர் கலை­ஞர் படைத்த நவீ­னங்­க­ளின் தோற்­றம் வண்ண விளக்­கொ­ளி­யில் நம்மை மயங்க வைக்­கின்­றன. இவற்­றை­யெல்­லாம் பார்த்து வெளியே வர நினைத்­தால், முத்­த­மி­ழ­றி­ஞர் கலை­ஞர் அவர்­க­ளு­டன் கலந்து பேசிப் பழ­கிய ஓர் புதிய அற்­புத உணர்வு நமக்கு ஏற்­ப­டும்.

வெளியே வரும்­போது - இரு­பு­றங்­க­ளி­லும் முத்­த­மி­ழ­றி­ஞர் கலை­ஞர் அவர்­க­ளின் பொன்­மொ­ழி­கள் கற்­பா­றை­க­ளில் தமி­ழி­லும் ஆங்­கி­லத்­தில் பொறிக்­கப்­பட்டு நம் இத­யத்­தி­லும் பதி­யும் வண்­ணம் அரு­மை­யாக அமைக்­கப்­பட்­டுள்­ளன. மொத்­தத்­தில் புதுப்­பிக்­கப்­பட்ட அண்ணா நினை­வி­ட­மும், முத்­த­மி­ழ­றி­ஞர் கலை­ஞர் அவர்­க­ளின் புதிய நினை­வி­ட­மும் - பல ஆண்­டு­கள் வரை நம் நெஞ்­சை­விட்டு என்­றும் நீங்­கா­மல் நம்மை ஆட்­கொண்­டி­ருக்­கும் என்­பது மட்­டும் உறுதி.என்று கூறப்பட்டு இருந்தது.

இந்த நிலையில், முத­ல­மைச்­சர் மு.க.ஸ்டாலின், தமிழ்ச் சமு­தா­யத்­தின் தன்­னி­க­ரில்­லாப் பெரு­மை­க­ளைத் தர­ணி­யில் உயர்த்தி, நிலை­நாட்­டிய ஒப்­பி­லாத் தலை­வர்­க­ளான பேர­றி­ஞர் அண்ணா அவர்­க­ளின் புதுப்­பிக்­கப்­பட்ட நினை­வி­டத்­தை­யும், முத்­த­மி­ழ­றி­ஞர் கலை­ஞர் அவர்­க­ளின் புதிய நினை­வி­டத்­தை­யும் இன்று மாலை 7.00 மணி அள­வில் திறந்து வைத்தார்.

English summary

Chief Minister MK Stalin will inaugurate the memorial of former Tamil Nadu Chief Minister Karunanidhi and the renovated memorial of former Chief Minister Anna.