அமைச்சர் துரைமுருகனுக்கு திடீர் உடல் நலக்குறைவு.. அப்பல்லோ மருத்துவமனையில் அனுமதி

சென்னை: அமைச்சர் துரைமுருகனுக்கு இன்று திடீரென உடல் நலக்குறைவு ஏற்பட்டது. சென்னை
அண்ணா அறிவாலயம் வந்தபோது உடல் நலக்குறைவு ஏற்பட்டது. இதையடுத்து முதலுதவி சிகிச்சைக்கு பின் அவர் அப்பல்லோ மருத்துவமனையில் அனுமதிக்கப்பட்டுள்ளார்.

விக்கிரவாண்டி இடைத்தேர்தலில் திமுகவின் அன்னியூர் சிவா வெற்றி பெற்றார். இதையடுத்து திமுகவினர் இனிப்புகள் வழங்கியும், பட்டாசுகள் வெடித்தும் வெற்றியை கொண்டாடி வருகிறார்கள். திமுக தலைவர்கள் பலரும் சென்னை அண்ணா அறிவாலயத்திற்கு வந்து வெற்றியை கொண்டாடி வருகிறார்கள்.

திமுக தலைவரும், முதல்வருமான ஸ்டாலினும் சென்னை அண்ணா அறிவாலயத்திற்கு வந்து இனிப்புகள் வழங்கினார். நீர்வளத்துறை அமைச்சர் துரைமுருகனும் இன்று சென்னை அண்ணா அறிவாலயத்துக்கு வருகை தந்தார். அப்போது அவருக்கு திடீர் உடல்நலக்குறைவு ஏற்பட்டது. இதையடுத்து அவருக்கு முதலுதவி சிகிச்சை அளிக்கப்பட்டது. தொடர்ந்து அவர் சென்னை அப்பல்லோ மருத்துவமனையில் அனுமதிக்கப்பட்டுள்ளார்.

English summary

Minister Durai Murugan suddenly fell ill today. When he came to Chennai Anna University, he became ill. After first aid treatment, he was admitted to Apollo Hospital.