வெளியானது டிஎன்பிஎஸ்சி குரூப் 1 ரிசல்ட்.. தேர்வு முடிவை எப்படி பார்க்கலாம் தெரியுமா?
சென்னை: டிஎன்பிஎஸ்சி குரூப் - 1 தேர்வு முடிவுகள் இன்று வெளியிடப்பட்டுள்ளன. https://tnpsc.gov.in எனும் இணையதளத்தில் டிஎன்பிஎஸ்சி குரூப் - 1 தேர்வு முடிவுகளை பார்க்கலாம்.
தமிழக அரசு பணிக்கான ஆட்சேர்ப்புகளை டிஎன்பிஎஸ்சி எனும் தமிழக அரசு பணியாளர் தேர்வாணையம் மேற்கொண்டு வருகிறது. கடந்த 2022ம் ஆண்டில் டிஎன்பிஎஸ்சி குரூப் 1 தேர்வுக்கான அறிவிப்பு வெளியானது. அந்த அறிவிப்பின்படி மொத்தம் 92 பணியிடங்கள் நிரப்புவதாக அறிவிக்கப்பட்டது.
அதன்படி துணை கலெக்டர் பணிக்கு 18 பேர், துணை போலீஸ் சூப்பிரண்டு பணிக்கு 26 பேர், வணிக வரி உதவி கமிஷனர் பணிக்கு 25 பேர், கூட்டுறவு சங்க துணைப் பதிவாளர் பணிக்கு 13 பேர், கிராமப் மேம்பாட்டு உதவி இயக்குனர் பணிக்கு 7 பேர், மாவட்ட வேலைவாய்ப்பு அலுவலர் பணிக்கு 3 பேர் என மொத்தம் 92 பணியிடங்களுக்கான அறிவிப்பு வெளியானது.
இதையடுத்து 2022 நவம்பர் மாதம் 19ம் தேதி முதன்மை தேர்வு நடந்தது. இந்த தேர்வை சுமார் 2 லட்சம் பேர் எழுதினர். தேர்வு முடிந்து 5 மாதம் ஆன நிலையில் குரூப் 1 முதல்நிலை தேர்வுக்கான முடிவுகள் கடந்த ஆண்டு ஏப்ரல் மாதம் வெளியிடப்பட்டது. இதில் தேர்வானவர்களுக்கு முதன்மை தேர்வு நடத்தப்பட்டது.
குரூப் 1 முதன்மை தேர்வு முடிவுகள் கடந்த மார்ச் மாதம் 7ஆம் தேதி வெளியிடப்பட்டன. இதில் தேர்வானவர்கள் நேர்க்காணல் முறையில் பணிக்கு தேர்வு செய்யப்பட்டனர். கடந்த 3 நாட்களாக நேர்காணல் நடந்தது. நேர்க்காணல் முடிவடைந்த நிலையில் இன்று மாலையில் குரூப் -1 தேர்வு முடிவு வெளியிடப்பட்டுள்ளது. டிஎன்பிஎஸ்சி குரூப் - 1 தேர்வு முடிவை பார்க்க விரும்புவோர் https://tnpsc.gov.in எனும் இணையதளம் மூலம் பார்க்கலாம்.
Click it and Unblock the Notifications
Sign in with Google