பொறுமைக்கு நீயே உதாரணம்!
Subscribe to Oneindia Tamil
சென்னை: இன்று பூமி தினம்.. இதையொட்டி ஒரு சின்னக் கவிதை
பொறுமைக்கு நீயே உதாரணம்
நீயே பொறுமையிழந்தாயோ
பொறுத்துப் பார்த்து காத்திருந்த உன்னை
நாங்கள்தான் ஏமாற்றினோமோ
உன்னை நேசிக்கவும் மறந்தோம்
நீயும் சுவாசிக்க வேண்டியதையும் மறந்தோம்
உன் மற்ற பிள்ளைகளையும் நேசிக்கவும் மறந்தோம்
அவற்றின் வாழ்வு எங்களின் இசைவில் மட்டுமே என்றே இருந்தோம்
உன் பிள்ளை எங்கள் மனித குலம் மட்டுமே என்ற இருமாப்புடன் சுயநலமாய் இருந்திட்டோம்
உன் மற்ற பிள்ளைகளான உயிரினங்களையும் தாவரங்களையும்
எங்களது சேவைக்கும் தேவைக்கும் அழித்தோம்
அதுவும் வகைதொகையின்றி
அதன் பலனாய் இன்று எங்களை வீட்டு சிறையில் விட்டு விட்டாயோ
உன்னை நினைவுகூற
செயற்கையாய் நாங்கள் இல்லாத அக்கறையினை
நாங்கள் வெளிக்காட்ட வேண்டாமென இந்த நாளை
நீயே கொண்டாடிடவும் சுவாசிக்கவும்
நீயாகவே செய்துவிட்டாயோ எங்கள் பூமித்தாயே
- ஆகர்ஷிணி
Click it and Unblock the Notifications
Sign in with Google