யூ-டர்ன்.. சென்னை மக்களுக்கு முக்கிய அப்டேட்.. இனி இந்த ரூட்ல போக முடியாது! போக்குவரத்து மாற்றம்!
சென்னை: சென்னையில் மெட்ரோ ரயில் பணிகளின் காரணமாக தாம்பரம் மேடவாக்கம் பகுதியில் இன்று முதல் போக்குவரத்து மாற்றம் செய்யப்படுகிறது. இன்று முதல் வாகன ஓட்டிகள் பயணம் செய்வதற்கு வேறு பாதையில் திருப்பி விடப்படுகின்றனர்.
மெட்ரோ ரயில் பணிகளின் காரணமாக சென்னை மேடவாக்கத்தில் இன்று முதல் போக்குவரத்து மாற்றம் செய்யப்பட்டுள்ளது. மேடவாக்கம் கூட்டுசாலை சந்திப்பு- சோழிங்கநல்லூர் சந்திப்பு வரை மெட்ரோ பணிகள் நடைபெறுவதால், இந்த போக்குவரத்து மாற்றம் செய்யப்பட்டுள்ளது.
இதன் காரணமாக செம்மொழி சாலை வழியாக தாம்பரம், மாம்பாக்கம் செல்லும் வழியில் போக்குவரத்து மாற்றம் செய்யப்பட்டுள்ளன. மாம்பாக்கம் சாலை, வேளச்சேரி பிரதான சாலை வழியாக தாம்பரம் நோக்கிச் செல்லும் வாகனங்களுக்கு தடை விதிக்கப்பட்டுள்ளது.
இன்று முதல் போக்குவரத்து மாற்றம்: இதுதொடர்பாக, தாம்பரம் மாநகர காவல்துறை நேற்று வெளியிட்ட செய்திக் குறிப்பில், மேடவாக்கம் கூட்டு சாலை சந்திப்பிலிருந்து சோழிங்கநல்லூா் சந்திப்பு வரை வேளச்சேரி பிரதான சாலை, செம்மொழி சாலை ஆகியவற்றில் மெட்ரோ ரயில் பணி நடைபெற உள்ளது. இதையொட்டி, அந்தப் பகுதியில் சோதனை முறையில் ஜூலை 2 முதல் போக்குவரத்து மாற்றம் செய்யப்படுகிறது.
அதன்படி, சோழிங்கநல்லூர் சந்திப்பில் இருந்து செம்மொழி சாலை வழியாக தாம்பரம், மாம்பாக்கம் செல்லும் அனைத்து வாகனங்களும் மேடவாக்கம் சந்திப்பில் இருந்து வலதுபுறம் திரும்பி பள்ளிக்கரணை ஜெயசந்திரன் டெக்ஸ்டைல்ஸ் சந்திப்பில் யூ -டர்ன் அடித்து மேடவாக்கம் புதிய மேம்பாலம் வழியாக செல்ல வேண்டும்.
இந்த வழியில் செல்ல தடை: மாம்பாக்கம் சாலையில் இருந்து தாம்பரம் நோக்கி செல்லும் அனைத்து வாகனங்களும் மாம்பாக்கம் மேடவாக்கம் சந்திப்பில் இருந்து வலதுபுறம் திரும்பி ஜெயச்சந்திரன் டெக்ஸ்டைல்ஸ் சந்திப்பு யூ-டர்ன் செய்து மேடவாக்கம் புதிய மேம்பாலம் வழியாகச் செல்ல வேண்டும்.
மேலும், மேடவாக்கம் சந்திப்பு பகுதியில் இருந்து மாம்பாக்கம் சாலை, வேளச்சேரி பிரதான சாலை வழியாக தாம்பரம் நோக்கி வாகனங்கள் செல்ல தடை விதிக்கப்படுகிறது. இந்த போக்குவரத்து மாற்றத்திற்கு வாகன ஓட்டிகள் முழு ஒத்துழைப்பு வழங்க வேண்டும் என்று அதில் குறிப்பிடப்பட்டுள்ளது.
Click it and Unblock the Notifications
Sign in with Google